Zeremi 48:12 - NYANMIƐN NDƐ'N 1998

¹² Ɔ man i ti Anannganman'n wan yoo: «Cɛn wie lele'n, n wa sunman sran kɛ be wɔ be ko kaci be gua tomua uflɛ nun nan be `bobo tomua klikli'n.

Zeremi 48:12 ပူးပေါင်းရင်းမြစ်များ

Jue Mun 2:9

A ´fa ɔ famiɛn kpɔnman b'ɔ ti blalɛ'n yɛ a ´fa bo mɛn sɔ'm be nunfuɛ mun-ɔn. A ´bubu be nun kɛ be su bo sɛ bɔ be fa ufa be wu'n sa .› »

Ezai 16:2

Arnɔn nzue ba'n i wun lɔ'n, Moab bla'm be ´yo kɛ anunman bɔ be wlan-wlan be tu be sin'n sa. Be ´yo kɛ anunman ba kanngan bɔ b'a kan bé bo bé sua'n nun'n sa.

Ezai 30:14

Ɔ fufu kɛ talie ufuɛ'n i talie'n wie yɛ b'a fa like b'a fin su kekle kpa sa. I buebue nun'n, be nyan-man bɔ kaan sa bɔ be fa fa sin gbo'n nun-ɔn ɔ yo ye-ɔ, annzɛ bɔ be fa sa nzue bla'n nun-ɔn ɔ yo ye-ɔ.»

Zeremi 14:3

Sran dandan'm be sunman be sran mun kɛ be ko sa nzue blɛ be. Be kɔ-ɔ, be nyan-man nzue gbo'm be nun lɔ. Be fa be sɛ kee'm be sa be sin ba. Be kata bé ti yɛ be ba-a nyannzuɛn'n dunman nun.

Zeremi 19:10

Kpɛkuun, bo nzue sɛ'n be nga be nin wɔ o lɛ'n be nyrun nan se be kɛ:

Zeremi 25:34

Izraɛl su kpɛn mun, an `sun, an `kpan. Min nvle'n i su nianfuɛ mun, an `la kondo. Amun kɔmin kpɛlɛ liɛ'n ɔ'a ju. Be wa kun amun kɛ be fa kun bua nene kpakpa mun'n sa.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 48:11

Sɛ Moab ti sran'n, wuun n ´se kɛ kɛ ɔ fin i kaan nun lele'n, sran fi nian kle-mɛn i yalɛ le'n, wuun n ´se kɛ sran fi nian fɛ-mɛn i nian ɔ-man mɛn uflɛ nun le. Ɔ o i wolɛ lɛ cɛ kɛ nzan wie b'ɔ o i tomua'n nun bɔ be nian kaci-mɛn i le'n sa. I sɔ'n ti ɔ tɛ yo uflɛ kɛ blɛ li yɛ b'a yi i sa. Yɛ i bɔnlɛ fannin fannin tɛ o i osu'n nun.»

Zeremi 48:13

Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Zeremi 48:15

Moab ɔ'a nunnun. B'a wɔ lɔ klɔ'm be nun. Be su kankan lɔ gbanflɛn mun be ´kɔ be kunlɛ. Famiɛn'n yɛ ɔ kan sɔ-ɔ. Famiɛn sɔ'n i dunman'n yɛlɛ Anannganman b'ɔ sie mɛn wunmuan'n.

Zeremi 48:38

Moab sua'm bé su aunngban fawlɛ'n nun lɔ'n nin be klɔ gua'm be su'n, ɔ ti sunlɛ'n sa ekee! Yɛlɛ kɛ m boli Moab, m boli kɛ talie wie b'ɔ yo-man like fi ye kun bɔ b'a bo i'n sa.» Anannganman'n yɛ ɔ kan sɔ-ɔ.

Zeremi 48:8

Like sacifuɛ'n ´wlu amun klɔ'n kwlaa be nun. Klɔ kun sa su ka-man lɛ. Ɔ ´funndan kongo'm be nun. Ɔ ´saci lika kpɛtɛkplɛɛ'n.» Anannganman'n yɛ ɔ kannin-ɔn.

Naɔm 2:2

Ninivfuɛ mun, sonja kpakpa'm be nin amun su ba alɛ kunlɛ. Amun `sasa amun fiawlɛ klɔ'n i anuan'n, amun `nian amun atin'm be su, amun `buabua amún wun amun `fa amun wunmiɛn'n kwlakwla nan an nin be an `kun.