Zeremi 48:10 - NYANMIƐN NDƐ'N 1998

¹⁰ Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Zeremi 48:10 ပူးပေါင်းရင်းမြစ်များ

1 Famiɛn Mun 20:39

Kɛ famiɛn'n ´sin'n, Nyanmiɛn nuan ijɔfuɛ'n kpan seli i kɛ: «E o alɛ'n su, kpɛkuun sran kun wa toli min. Ɔ ´ba-a, ɔ'a tra sran kun lomuɛn, ɔ nin i yɛ be bali-ɔ. Yɛ ɔ seli min kɛ: ‹Nian sran nga su. Sɛ ɔ wanndi'n, a ´sin i osu a ´yo kanga, annzɛ kusu a ´tua min jɛtɛ ufue mma akpi nsan (3.000).›

1 Famiɛn Mun 20:40

Kpɛkuun kɛ bɔ mín nyin o like uflɛ su n su yo'n, sran'n wanndili.» Izraɛl famiɛn'n tɛli i su kɛ: «Yɛ ɔ bɔbɔ w'a di jɔlɛ ng'ɔ fata kɛ be ´di wɔ'n ɔ'a wie kwlaa nin-ɔn!»

1 Famiɛn Mun 20:42

Nyanmiɛn i nuan ijɔfuɛ'n seli i kɛ: «Anannganman waan yoo: ‹Kɛ bɔ a yacili sran nga n seli kɛ ɔ nin nguan nun tranlɛ fata-man'n i lɛ'n ti'n, a ´sin i osu a ´wu, yɛ ɔ nvle'n nunfuɛ'm be ´sin i liɛ'm be osu be ´wu.› »

2 Famiɛn Mun 13:19

Nyanmiɛn i sran'n fɛli i wun ya kpa. Ɔ seli i kɛ: «Sɛ a boli asiɛ'n i kpɛ nnun annzɛ kpɛ nsiɛn'n, wuun a ´kwla Sirifuɛ mun yɛ a ´nunkun be mlɔnmlɔnmlɔn, sanngɛ siɛn'n a ´kwla be kpɛ nsan cɛ.»

Zeremi 11:3

Se be kɛ Anannganman b'ɔ ti Izraɛl Nyanmiɛn'n waan yoo: ‹Sran nga ɔ'a nian-man aenguɛ nga e nin amun e trali su ɔ'a nanti-man'n, i yako! Aenguɛ sɔ'n yɛlɛ nga kɛ ɔ fin cɛn bɔ n fali amun nannan mun ɔ liɛ Ezipt sin fɛtɛ sɔ'n nun fiteli'n e trali'n. N seli be kɛ: Sɛ an tie min aniɛn nan an nian sa nga n fa sieli amun nyrun'n i kwlaa su'n, an ´yo min nvle yɛ min kusu n ´yo amun Nyanmiɛn.

Zeremi 47:6

Amun kusu amun waan: ?Anannganman i tokofi'n li, ɔ kun sran sa-a, ɔ lo-man wunmiɛn? Jran sɔ ke, nja! Wlu ɔ bua'n nun nan tran diin wie!›

Zeremi 47:7

Anannganman ɔ'a se i kɛ: ‹Kɔ ko kun Askalɔn nin jenvie nuan su lɔfuɛ mun. ?B'ɔ nian wie-mɛn i sɔ junman liɛ'n di nin-ɔn, ɔ jran lo wunmiɛn sɛ yɛ ɔ yo ye-ɔ?› »

Zeremi 50:25

Sɛ e kwla se'n, Anannganman'n ɔ'a tike i alɛ ninnge guawlɛ'n i anuan. Ɔ'a fa alɛ ninnge'n. Ɔ'a fa ya kpa sa kɛ safunyrɛn'n ɔ fɛ i alɛ ninnge'n ya su'n sa. Anannganman b'ɔ sie mɛn wunmuan'n, ɔ wa yo sa Babilɔni mɛn nun'n.

Zeremi 50:27

Be `kun be sonja kpakpa mun. Be `kpɛ be kɔmin kɛ be kpɛ nnɛn kɔmin nnɛn kunwlɛ lɔ'n sa. Be blɛ liɛ'n juli, be liɛ wieli. Be fɔ tulɛ blɛ'n juli.

Zozie 10:19

Nán amun jranjran lɛ. Amun su amun kpɔfuɛ'm be su! Kɛ amun nin be ´kun'n, amun `sin bé sin wa, ɔ'a yo-man sɔ-ɔ, be ´nyan atin wlu be klɔ'm be nun, afin Anannganman amun Nyanmiɛn'n ɔ'a fa be ɔ'a man amun.»

Jɔlɛ Difuɛ Mun 5:23

Anannganman i anz waan: ‹Amun `bo Merɔz klɔ'n i sannzan. Sannzan bɔ amun bo Merɔz i su sran mun'n yɛlɛ kɛ b'a ba-man Anannganman ukalɛ. B'a ba-man Anannganman i safunyrɛn'm be ukalɛ.›

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »

1 Samiɛl 15:9

Sail nin i sa nun sran'm be yacili Agag lɛ. Nannin kpakpa mun, nin bua kpakpa mun, nin nnɛn nin nannin ba nga b'a lo mun, nin ninnge nga be ti kpa mun be yacili be lɛ, b'a saci-man be. San nga bɔ be bɔn-man like fi'n, bɔ be fa-a, ɔ fa-man'n, yɛ be nunnunnin be-ɔ.