Zeremi 47:6 - NYANMIƐN NDƐ'N 1998

⁶ Amun kusu amun waan: ?Anannganman i tokofi'n li, ɔ kun sran sa-a, ɔ lo-man wunmiɛn? Jran sɔ ke, nja! Wlu ɔ bua'n nun nan tran diin wie!›

Zeremi 47:6 ပူးပေါင်းရင်းမြစ်များ

2 Samiɛl 2:26

Yɛ Abnɛr flɛli Zoab-ɔ, nan ɔ'a se kɛ: «?Kɛ be fa tokofi'n kun sran sa'n, be de-man wunmiɛn mlɔnmlɔn? ?B'a de-man wunmiɛn-ɔn, awlaboɛ'n su yo-man dan? ?A su se-man ɔ sran'm be kɛ be jran, nan kɛ amun ´su amun niaan'm bé su cɔcɔcɔ sa?»

1 Be Nyoliɛ 21:27

Yɛ Anannganman man anz'n fɛli i tokofi'n wlali i bua'n nun-ɔn.

Jue Mun 17:13

Anannganman, jaso, bu be nyrun, yi be ase, fa ɔ tokofi'n de min bé sa nun.

Ezai 10:15

?Kpɛliɛ'n ɔ tu i wun gua sran ng'ɔ fɛ i di junman'n i su? ?Annzɛ bese'n ɔ yo i wun kpakpa sran ng'ɔ fɛ i kpɛ like'n i su? ?Ngble'n kwla fa sran ng'ɔ trɛ i nun yo like? Kannzɛ e fa sran sunnzun waka'n, sanngɛ nyantiaan'n ɔ kwla mɛn-mɛn i su.

Ezai 10:5

Asirifuɛ'm bɔ be ti kɛ min nyantiaan sa'n, be yako! Waka'n b'ɔ o bé sa nun'n, yɛ n ´fa di min ya'n i su junman-an.

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 25:27

I waan n `se be kɛ: «Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: ‹An `nɔn, an `bo nan an `fi, tokofi'n ɔ wa fa nyrɛnnɛn yi amun afiɛn'n i ti yɛ amun ´yo sɔ-ɔ. An `fin ase, nán an kwla amun wun su man kun.›

Zeremi 4:21

Cɛn onin ko nan m'an yaci alɛ flanga'm be wunlɛ! Cɛn onin ko nan b'a yaci nnɛn wɛ'n nun fitalɛ mín su nun.

Zeremi 48:10

Sran ng'ɔ fa nvɛɛ yo Anannganman i junman'n, i yako! Sran ng'ɔ se kɛ yoo: ‹Kɛ n `tra kaka'n nun n `kun be'n ɔ yo min ya'n.› I sɔ sran liɛ'n b'ɔ se sɔ'n i yako!

Zeremi 50:35

«Be ´fa alɛ tu Kaldefuɛ mun. Be ´fa alɛ tu Babilɔni klɔ'n sufuɛ mun. Be ´fa tu be famiɛn i awlo lɔ sran dandan mun nin be afɔtuɛ manfuɛ mun.» Anannganman'n yɛ ɔ kan sɔ-ɔ.

Ezekiɛl 14:17

«Sɛ n fa alɛ n yi mɛn sɔ'n su'n, nan n se alɛ kunfuɛ'm be kɛ be `tɔ mɛn'n i lika kwlaa su be `saci i nan be `nunnun sran nin nnɛn mun'n,

Ezekiɛl 21:30

Izraɛl kpɛn, wɔ bɔ a ti klunwifuɛ'n, cɛn kun wa ju bɔ sa tɛtɛ nga a yoli be lele'n bé ti wa kpɛ!»

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Jean 18:11

Jésus seli Piɛr kɛ: «Wla ɔ tokofi'n i bua'n nun. ?A bu i kɛ nyrɛnnɛn nga e Si waan n wun i'n, n su wun-mɛn i?»

Jɔlɛ Difuɛ Mun 7:20

Be akpasua nsan'm be fitali be awɛ'm be nun, yɛ be boli sɛ mun-ɔn. Be sɔli tɛ'm be nuan, be o bé sa bɛ'm be nun. Awɛ nga be bo'n kusu o bé sa fama nun. Yɛ be kpannin-ɔn: «Anannganman i tokofi'n, nin Zedeɔn i tokofi'n!»