Zeremi 47:5 - NYANMIƐN NDƐ'N 1998

⁵ Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Zeremi 47:5 ပူးပေါင်းရင်းမြစ်များ

1 Famiɛn Mun 18:28

Yɛ be kpannin kekle kpa trali laa liɛ'n. Be fali tokofi, nin cua be kpɛkpɛli bé wun, afin ɔ ti be nzuɛn. Mmoja'n sonjili bé wunnɛn'n su.

Ezai 15:2

Dibɔnfuɛ'm be kɔ amuɛn sua'm be nun be ko sun. Be kɔ sraka yiwlɛ mun bɔ be o kpɔlɛ'm be su'n be nun, be ko sun. Moabfuɛ'm be kɔ Nɛbo oka'n su be ko yi ngwlɛ. Be kɔ Medɛba klɔ lɔ be ko yi ngwlɛ. B'a yi bé ti'm be kwlaa, b'a yi be akanza'n kwlaa.

Zeremi 16:1

Anannganman'n seli min kɛ yoo:

Zeremi 16:6

«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.

Zeremi 25:20

N fa mannin Ezipt lɔ nvle fanunfanun'm be nunfuɛ mun. N fa mannin Iz mɛn nun lɔ famiɛn'n be kwlakwla. N fa mannin Filisti mɛn'n nun lɔ famiɛn'm be kwlakwla, i Askalɔn lɔ liɛ mun o, nin Gaza lɔ liɛ mun o, nin Ekrɔn lɔ liɛ mun o, ɔ nin Asdɔd mɛn nunfuɛ'n be onga nga be ka'n.

Zeremi 41:5

Sran ablaɔcuɛ be fin Sisɛm nin Silo, ɔ nin Samari be su ba lɛ. Be ´ba-a, b'a yi be akanza'n, b'a titi be wun tralɛ'm be nun, b'a bobo bé wun kannin. Be fali ble nin ansans kɛ be wa fa man Nyanmiɛn i sua'n nun Zerizalɛm lɔ.

Zeremi 47:1

Anannganman kannin Filistifuɛ'm bé wun ndɛ kleli i nuan ijɔfuɛ Zeremi. Kɛ ɔ ´kɛn i sɔ'n, wuun Ezipt famiɛn'n nian fa-man Gaza klɔ'n.

Zeremi 47:4

Filistifuɛ'm be mɛn'n i bolɛ yɛ ɔ'a ju-ɔ. Be bɔ be nin Tir nin Sidɔn bé bo ti kun'n, be nunnunlɛ yɛ ɔ'a ju-ɔ. N wa nunnun Filistifuɛ'm be mɛn'n. Kaftɔrfuɛ'm be onga kan'n be mɛn'n, n wa nunnun i.

Zeremi 48:37

B'a kpu bé ti'm be su tɔɔn! B'a yi be akanza mun wauun! B'a bobo bé sa'm bé wun kannin sa nán sa yolɛ-ɔ. Bajɛ tralɛ'n wo be wun sɛsɛsɛ.

Ezekiɛl 25:16

I sɔ'n ti, Anannganman Nyanmiɛn wan yoo: Min yɛ, n wa yi n kwlalɛ bɔ n kwla'n i nglo, e nin Filistifuɛ mun e wa nyɛn i. N ´nunnun Kaftɔrfuɛ nga be ka jenvie'n i nuan kpɔlɛ'n su lɔ'n.

Ezekiɛl 7:18

Be ´wla bajɛ tralɛ, yɛ srɛ'n ´kun be kpo. Be kwlaa be ´wun nyannzuɛn. Be kwlaa be ´yi bé ti'n.

Saun Yolɛ 19:28

Sɛ amun o sɛ nun'n, nán amun bobo amún wun kannin nan b'a si kɛ amun o sɛ nun. Nán amun klɛklɛ like amun wunnɛn'n su. Min yɛ n ti Anannganman nin-ɔn.

Saun Yolɛ 21:5

Sɛ sran wu'n, ɔ fata-man kɛ min nyrun jranfuɛ'm be yi bé ti'n i bue kun, wie kusu-ɔ be yi be srɔ su ndrɛ mun, wie kusu-ɔ be bobo bé wun kannin.

Mise 1:16

Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.

Marc 5:5

Titi kɔnguɛ nin wia'n nun ɔ wo asieliɛ nin oka'm be su, ɔ kpan, ɔ fa yɛbuɛ kpɛkpɛ i wun.

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Jɔlɛ Difuɛ Mun 1:18

Anannganman ukali Zida i akpasua'n su sran mun ɔ man be fali oka-oka lika mun. Be fali Gaza klɔ'n, nin Askalɔn klɔ'n, nin Ekrɔn klɔ'n ɔ nin be asa'n su lika mun. Be nga be tran jenvie nuan'n be lɛ blalɛ kakaklolo. I sɔ'n ti, Zida akpasua su sran'm b'a kwla fuan-man be.