Zeremi 47:3 - NYANMIƐN NDƐ'N 1998

³ Kɛ siɛ'm be ti nnɛn kpanngɔ'm bé ja bo nganniɛn'n, kɛ be ti kakaklolo'm be kplalɛ'n, kɛ be ti kakaklolo'm bé nganniɛn'n, be si-man wie se kun. Bé wla ´fi be mma mun mlɔnmlɔn.

Zeremi 47:3 ပူးပေါင်းရင်းမြစ်များ

Ezai 5:28

Bé ta mma'm be ti piembiembie, b'a cuɛn bé ta'm be kwlaa be nun b'a sie. Be nnɛn kpanngɔ'm bé ja bo'm be ti kɛ yɛbuɛ san sa. Kɛ a wun be kakaklolo'm bé ja bɔ be ´kpɛ be wun'n, ɔ waan seke yɛ ɔ su tu sa.

Zeremi 46:9

«Nnɛn kpanngɔ mun, an man e wɔ! Kakaklolo mun, an `tu wɔ! Sonja kpakpa mun nin Kisfuɛ mun, ɔ nin Pitfuɛ mun, amun bɔ an ti nyrɛn nun trafuɛ'n, amun `wɔ. Lidfuɛ mun, amun bɔ an ti ta tofuɛ'n, amun `wɔ.»

Zeremi 50:42

Bé sa nun ta nin cua. Be yo wlɛ, be si-man sran aunnvuɛ. Kɛ be kpan sa'n, ɔ waan jenvie'n yɛ ɔ su bo-ɔ. Be o be nnɛn kpanngɔ'm be su. B'a jranjran tɛɛn cɛ! Babilɔni, be nin wɔ yɛ b'a ba kunlɛ-ɔ.

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Ezekiɛl 23:24

Be fin mɛn'n i nglo lɔ lika nun yɛ be ba-a. Be nin alɛ ninnge mun, nin alɛ kakaklolo mun, nin ninnge nga be fu be nun kɛ loto'm sa'n, ɔ nin alɛ kunfuɛ kpanngban yɛ be ba-a. Be fa be nyrɛn kaan mun nin be nyrɛn dan mun, yɛ be ´wla kpongbo kle, be ´sin yia wɔ. N ´fa ɔ wun ndɛ n wla be sa nun, be ´jran be mmla su be ´di wɔ jɔlɛ.

Naɔm 2:4

Ninivfuɛ'm be kpɔfuɛ'm be sonja mun be nyrɛn'm be ti ɔkwlɛ, bé wun tralɛ'm be blo kankankan. Kɛ be ´kɔ alɛ kunlɛ'n, be kakaklolo'm be sɔ youn kɛ sin sa, a ´nian-an b'a man be ta'm be su.

Naɔm 2:8

B'a fa be amuɛn bla bɔ be fa sika ɔkwlɛ yoli'n b'a ɔ. Afanniɛn bla nga be niɛn i su'n, be kplin kɛ auble sa, be fin be wue'n nun.

Sa nglô yile 9:9

Be fuɛ'm be fa like koklooklo wie kata be wue'n su, yɛ be ndɛwa tɛ kɛ kakaklolo bɔ nnɛn kpanngɔ'm be su cuɛn be kɔ alɛ nun'n sa .

Jɔlɛ Difuɛ Mun 5:22

Kɛ e ijɔwa-a, nnɛn kpanngɔ'm be su wanndi kɔ. Bé ja bo'n tɛ-man ngowa.