Zeremi 46:3 - NYANMIƐN NDƐ'N 1998

³ N ti sonja kpɛnngbɛn'n lɔ kɛ: «An `siesie nyrɛn'm be ye! Nyrɛn'n i kanngan mun o, i dandan mun o, an `siesie be ye! An `sin be wɔ alɛ'n kunlɛ.

Zeremi 46:3 ပူးပေါင်းရင်းမြစ်များ

Ezai 21:5

B'a fa aliɛ'n b'a sie i tabli'n su, gladi difuɛ'm b'a jranjran. Kpɛnngbɛn'm be su di like, be su nɔn nzan, kpɛkuun be ti kpanlɛ! Be ti i kɛ: «Famiɛn i awlo lɔ sran dandan mun, amun `jaso! Amun `fa amun alɛ ninnge mun!»

Zeremi 46:14

«Be `bo jasin yɛ'n Ezipt mɛn'n nun lɔ. Be `bo i jɔ Migdɔl lɔ. Be `bo i jɔ Nɔf nin Tapanɛs lɔ. Be `se be kɛ: ‹Alɛ'n ɔ'a di amun mantanfuɛ mun, i ti an `ko jranjran. An `siesie amun wun.›

Naɔm 2:1

Zidafuɛ mun, amun `nian, jasin fɛ bofuɛ kun yɛ ɔ fin oka'm be su lɔ ´ba yɛ. Ɔ ti fɔundi jasin bofuɛ. Amun `di amun cɛn mun, ninnge nga amun fua be kleli Nyanmiɛn kɛ amun ´fa mɛn i'n, amun `fa ko mɛn i. Sran ng'ɔ sin amun su kle amun yalɛ'n, ɔ ba-man kun. Ɔ ba-man kun, i blɛ'n wieli.

Naɔm 3:14

Sɛ bɔ amun waan: «Alɛ b'ɔ ba'n ti'n, amun `sa nzue be sie, amun `wlawla be sasawlɛ lika'm talɛ'm be nun, amun `yo be kpa kekleke! Amun `si ufa'n yɛ amun `siesie bliki kpɛwlɛ'm be ye!