Zeremi 45:4 - NYANMIƐN NDƐ'N 1998

⁴ Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Zeremi 45:4 ပူးပေါင်းရင်းမြစ်များ

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 11:17

Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Zeremi 31:28

Kɛ n niannin nun m buli bé bo, bɔ n tuli be bo kɛ waka sa'n, bɔ n nunnunnin be, n kunnin be bɔ n yoli sa kekle'n, yɛ n wa nian nun n ´kplan be yɛ n ´ta be-ɔ.» Anannganman'n yɛ ɔ kan sɔ-ɔ.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ndɛ Nga Nyanmiɛn I Nuan Ijɔfuɛ Oze Kannin'n 2:14

I vinyi fie nin i figie fie b'ɔ kan be ndɛ se kɛ: ‹Min ajaoke nga min soman'm be mannin min'n yɛ'n,› n ´saci be. N ´yo man fie sɔ'n be ´kaci bo ble, kpɛkuun lɛ yɛ blo nnɛn'm be wa didi-ɔ.

Mmla'n 28:63

Anannganman yoli amun kpa, ɔ man amun trɛli. Ɔ wa wlu amun nun, amun ´wie nunnun, kpɛkuun amu'an jaso mɛn nga amun ´ko fa'n nun.