Zeremi 45:1 - NYANMIƐN NDƐ'N 1998

¹ Kɛ Zozias i wa Zozakim dili Zida famiɛn'n i afuɛ nnan'n su yɛ Nyanmiɛn nuan ijɔfuɛ Zeremi kannin ndɛ kleli Neriza i wa Barik yɛ i kusu klɛli-ɔ. I blɛ sɔ nun'n, Zeremi seli Barik bɔbɔ kɛ:

Zeremi 45:1 ပူးပေါင်းရင်းမြစ်များ

2 Famiɛn Mun 24:1

Zozakim blɛ su'n, Nɛbikadnɛzar b'ɔ ti Babilɔni famiɛn'n nin i sonja'm be fali Zida mɛn'n, nan Zozakim ɔ'a su i afuɛ nsan. I sin'n Zozakim jasoli famiɛn'n i wun.

2 Be Nyoliɛ 36:5

Kɛ Zozakim ´yo famiɛn'n, wuun ɔ lɛ afuɛ ablaɔn nin nnun. Ɔ trannin Zerizalɛm lɛ afuɛ blu-nin-kun. Ɔ yoli sa nga be yo-man Anannganman i Nyanmiɛn'n i fɛ'n.

Zeremi 25:1

Zida nvle'n i wun ndɛ nga Nyanmiɛn kan kleli Zeremi'n yɛ, Zozias b'ɔ ti Zida famiɛn'n i wa Zozakim i sielɛ'n i afuɛ nnan'n su yɛ ɔ kannin ndɛ sɔ'n kleli i-ɔ. Babilɔni famiɛn Nɛbikadnɛzar kusu i sielɛ'n i afuɛ klikli'n su-ɔ.

Zeremi 26:1

Zozias b'ɔ ti Zida famiɛn'n i wa Zozakim'n i famiɛn dilɛ'n i bo bolɛ nun'n, Anannganman'n kannin ndɛ yɛ'n kleli Zeremi. I waan:

Zeremi 32:12

Barik b'ɔ ti Maazeza i wa Neriza i klun ba liɛ'n. N fa mɛnnin i min niaan Anameɛl, nin lalofuɛ nga be nzɔliɛ'n wo fluwa sɔ'n su'n, ɔ nin Zidafuɛ nga be o bisua lika'n nun lɛ'n be kwlaa be nyrun.

Zeremi 32:16

«Kɛ n fali fie wun fluwa'n m mannin Neriza i wa Barik'n, n srɛli Anannganman'n n seli kɛ:

Zeremi 36:1

Zozias b'ɔ ti Zida famiɛn i wa Zozakim i sielɛ'n i afuɛ nnan'n su yɛ Anannganman'n kannin ndɛ yɛ'n kleli Zeremi-ɔ. I waan:

Zeremi 36:2

«Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Zeremi 36:26

Famiɛn'n sunmannin Zɛrakmeɛl, nin Azriɛl i wa Sɛraza, nin Abdeɛl i wa Selemia kɛ be ko tra fluwa klɛfuɛ Barik, nin Nyanmiɛn nuan ijɔfuɛ Zeremi. Sanngɛ Anannganman'n fali be fiali.

Zeremi 36:32

Yɛ Zeremi kunndɛli fluwa uflɛ ɔ fa mannin Neriza i wa Barik b'ɔ ti fluwa klɛfuɛ nin-ɔn. Zeremi ´kan ndɛ'n, wuun ɔ ´klɛ. Ɔ klɛli ndɛ ng'ɔ o fluwa klikli bɔ Zozakim yrɛli i'n nun'n. Ɔ klɛli i kwlakwla, kpɛkuun ɔ klɛli ndɛ wafa kunngba sɔ'n wie mun ukali su.

Zeremi 36:4

Yɛ Zeremi flɛli Barik b'ɔ ti Neriza i wa nin-ɔn. Ndɛ nga Anannganman'n kannin'n, Zeremi kɛnnin i kwlaa kpan. Ɔ ´kan'n, wuun Barik ´klɛ.

Zeremi 45:2

«Anannganman, Izraɛl Nyanmiɛn'n waan n `se wɔ kɛ yoo:

Zeremi 46:2

Ezipt liɛ'n yɛ. Ezipt famiɛn'n nga be flɛ i Neko'n i alɛ kunfuɛ'm bé wun jasin-ɔn. I blɛ sɔ nun'n, wuun Ezipt famiɛn Neko kusu wo Karkemis lɔ Efrat nzue ba'n i nuan lɔ. Lɔ yɛ Babilɔni famiɛn Nɛbikadnɛzar i sonja liɛ'm be kwlali Ezipt famiɛn Neko liɛ mun nin-ɔn. Zozias i wa Zozakim i Zida famiɛn dilɛ'n i afuɛ nnan su yɛ ɔ yoli sɔ nin-ɔn .

Zeremi 51:59

Sedesias b'ɔ ti Zida famiɛn'n, kɛ be sieli i famiɛn'n, i afuɛ nnan'n su'n b'ɔ ´kɔ Babilɔni'n, ɔ nin Maazeza i wa bɔ be flɛ i Sɛraza b'ɔ Neriza i anunman'n yɛ be ɔli-ɔ. Sɛraza ti i awlo lɔ sonja su kpɛn. Kɛ be ´kɔ'n, Zeremi mannin Sɛraza i ngaliɛ.

Daniɛl 1:1

Kɛ Zozakim b'ɔ ti Zida famiɛn'n ɔ trannin bia'n su'n, i afuɛ nsan su'n, Nɛbikadnɛzar b'ɔ ti Babilɔni famiɛn'n, ɔ nin i sonja'm be bali kɛ be nin Zerizalɛmfuɛ'm be ´kun. Be kpɛli be ngblaliɛ'n sin yiali klɔ'n.