Zeremi 43:2 - NYANMIƐN NDƐ'N 1998

² Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Zeremi 43:2 ပူးပေါင်းရင်းမြစ်များ

Bo Bolɛ 19:14

Yɛ Lɔt fiteli-ɔ, ɔ ko toli i wa bla'm bé wun mun nan ɔ'a se be kɛ: «Anannganman su wa nunnun klɔ'n, an `jaso su ndɛndɛ.» Sanngɛ ng'ɔ ´kɛn i lɛ'n ti be nyrun ndɛ finfin.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Jue Mun 119:21

Wun tufuɛ tɛ nga be fa-man ɔ mmla'n su mlɔnmlɔn'n, a nin be `yia nun.

Jue Mun 12:3

Sran'm be suɛn tɔnlɛ'n yɛ sran wie'm be waan be fa man be-ɔ. Be nuan nun ndɛ'n ti sa nɛnkɛn-nɛnkɛn, sanngɛ be anwlɛn'n ti nnyɔn-nnyɔn.

Jue Mun 123:4

Nuan difuɛ'm b'a sri e wie pɛ! Wun tufuɛ'm b'a yo e finfin'n wie pɛ!

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 9:17

Sanngɛ, ɔ nin i sɔ'n ngba'n, a tɛ si i nvle'n i nyrun ce, ɔ waan a yaci-mɛn i sran'm be nun man be kɔ-man.

Nyanndra Mun 16:5

Be nga be yo bé wun dandan'n, Anannganman i nyin ci be. Kannzɛ ɔ yo sɛ ɔ su yaci cɛ-man be.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Ezai 9:8

Sran'm be kwlaa be wa si nun. Efraimfuɛ mun nin Samarifuɛ mun be ´si nun. Bé wun tulɛ'n nin bé nuan dilɛ'n ti be se kɛ:

Zeremi 13:15

An `sie amún su tie. An `yaci amún wun tulɛ'n. Anannganman'n kan ndɛ.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Zeremi 41:16

Kpɛkuun Zosanan nin sonja kpɛn nga be o i sa nun'n, be fali sran nga kɛ Ismaɛl kunnin Gɛdalia'n ɔ trali be Mizpa ɔli'n. Be deli be Ismaɛl sa nun Gabaɔn lɔ be sali bé sin. Sran sɔ mun'n, sonja o be nun, bla o be nun, ba kanngan'm be o be nun, sran nga be sɛli be'n be o be nun.

Zeremi 41:18

Afin srɛ kun be Babilɔnifuɛ'm bé wun. Kɛ ɔ fin cɛn bɔ Ismaɛl kunnin Gɛdalia bɔ Babilɔni famiɛn'n fɛ i sieli i mɛn'n su'n, srɛ kunnin be Babilɔnifuɛ'm bé wun.

Zeremi 42:1

Kpɛkuun sonja akpasua kunngun'm be kpɛn'm be kwlaa, ɔliɛ Kareak i wa Zosanan nin Ose i wa Azaria, ɔ nin sran nga be o lɛ'n be kwlaa be wa toli Nyanmiɛn nuan ijɔfuɛ Zeremi nan b'a se i kɛ:

Zeremi 42:20

Amun bu i kɛ sran yɛ amun su lɛkɛ i-ɔ! Amun bɔbɔ yɛ amun su laka amun wun-ɔn! Afin amun wa seli min kɛ: ‹Yaci, srɛ Anannganman e Nyanmiɛn man ye nan i kwlaa ng'ɔ bua wɔ'n kan kle ye.

Zeremi 42:5

Be kusu be waan: «Anannganman'n ti e lalofuɛ. Sa nga i waan e `yo'n, sɛ i yolɛ ti kekle o, sɛ ɔ ti pɔpɔ o, kɛ e bɔbɔ y'a se wɔ kɛ a wun i wun man e yɛ'n, san i yolɛ cɛ yɛ e ´yo-ɔ. E ´yo nga Anannganman e Nyanmiɛn'n kan'n nan y'a di alaje.»

Zeremi 43:1

Kɛ Zeremi wieli ndɛ nga Anannganman Nyanmiɛn kpli'n fa wlɛli i nuan kɛ ɔ kan kle nvlefuɛ mun'n kan'n,

Zeremi 44:16

«Ndɛ nga ɔ waan Anannganman'n ɔ'a fa wla ɔ́ nuan kɛ a `kan kle ye yɛ'n, e su fa-man su.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»