Zeremi 42:5 - NYANMIƐN NDƐ'N 1998

^5-6 Be kusu be waan: «Anannganman'n ti e lalofuɛ. Sa nga i waan e `yo'n, sɛ i yolɛ ti kekle o, sɛ ɔ ti pɔpɔ o, kɛ e bɔbɔ y'a se wɔ kɛ a wun i wun man e yɛ'n, san i yolɛ cɛ yɛ e ´yo-ɔ. E ´yo nga Anannganman e Nyanmiɛn'n kan'n nan y'a di alaje.»

Zeremi 42:5 ပူးပေါင်းရင်းမြစ်များ

Bo Bolɛ 31:50

Sɛ a fa bla uflɛ nan a yo min mma'm be tɛtɛ'n, nian ɔ wun kpa, afin nán sran yɛ ɔ ti e afiɛn lalofuɛ-ɔ, Nyanmiɛn-ɔn.

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Zeremi 42:20

Amun bu i kɛ sran yɛ amun su lɛkɛ i-ɔ! Amun bɔbɔ yɛ amun su laka amun wun-ɔn! Afin amun wa seli min kɛ: ‹Yaci, srɛ Anannganman e Nyanmiɛn man ye nan i kwlaa ng'ɔ bua wɔ'n kan kle ye.

Zeremi 43:2

Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Zeremi 43:4

Ɔ man Kareak i wa Zosanan nin sonja kpɛnngbɛn nga mun, ɔ nin sran nga be o lɛ'm b'a di-man ndɛ nga Anannganman'n kan kleli be kɛ be `ka Zida mɛn'n nun'n su.

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :

Jɔlɛ Difuɛ Mun 11:10

Yɛ be tɛli i su kɛ: «E kan Anannganman ti, sɛ y'a yo-man sɔ cɛ'n, man ɔ bu e fɔ.»

1 Samiɛl 12:5

Yɛ Samiɛl waan: «?Nán Anannganman ɔ nin famiɛn'n b'ɔ sieli'n be nyrun yɛ amun waan m'an yo-man amun sa fi yɛ?» Be waan: «Ɛɛn be nyrun-ɔn.»

1 Samiɛl 20:42

Zonatan seli David kɛ: «Kɔ, nanti ye. Nda nga e tatali é wun Anannganman i dunman nun'n, i kusu yɛ e kɛnnin i lɛ-ɔ: Man Anannganman bɔbɔ kpɛn e nin e mma nin e anunman mun é wla sa sɔ'n su titi.»