Zeremi 42:22 - NYANMIƐN NDƐ'N 1998

²² I sɔ'n ti, man amun `si weiin kpa kɛ mɛn nga amu'an wu i ti kɛ amun ´ko fia nun lɔ'n, sɛ alɛ ɔ'a di-man amun'n, awe'n ´kun amun. Sɛ awe ɔ'a kun-man amun'n, tukpacɛ b'ɔ sa ndɛndɛ'n ´kun amun lɔ.»

Zeremi 42:22 ပူးပေါင်းရင်းမြစ်များ

Ezai 30:3

Sanngɛ Ezipt famiɛn'n i talolɛ bɔ amun ´kɔ lɛ'n, amún nyin yɛ ɔ ´gua ase-ɔ, Eziptfuɛ'm bé sin nga amun ´ko fialɛ'n, nyannzuɛn yɛ amun ´wun i-ɔ.

Zeremi 24:10

M man alɛ'n ´tɔ be su, awe'n ´kpɛn be su, tukpacɛ b'ɔ sa ndɛndɛ'n ´tɔ be su lele san be ´nunnun be ´tu lika nga n fa mannin be nin be nannan mun'n nun.› »

Zeremi 42:17

Be kwlaa nga be waan san cinnjin nan be ´kɔ Ezipt be ko fia'n, sɛ alɛ ɔ'a di-man be'n, awe'n ´kun be, be ´sie be. Sɛ awe'n ɔ'a kun-man be'n, tukpacɛ b'ɔ sa ndɛndɛ'n ´kun be. Be wie fi sa su ka-man lɛ. Sa nga n ´fa yi be su'n, be wie fi sa su ´fin-man nun fite-man.› »

Zeremi 43:11

Ɔ wa kun Eziptfuɛ mun. Be nga be ko wu'n, be ´wu. Be nga be ko tra be lomuɛn'n, be ´tra be. Be nga alɛ ko di be'n, ɔ ´de be.

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Ezekiɛl 33:27

Kan ndɛ nga kle be man min, se be kɛ: ‹Min Anannganman Nyanmiɛn bɔ min nyin o su'n, n se amun kɛ be nga be kali klɔ buebue'm be nun'n, be ´kun be. Be nga be o blo lɔ'n, blo nnɛn tɛtɛ'm be ´di be. Be nga be fia oka'm be nun nin yɛbuɛ buɛ'm be nun'n, tukpacɛ b'ɔ sa ndɛndɛ'n ɔ ´kun be.

Ezekiɛl 6:11

Anannganman Nyanmiɛn'n wan yoo: ‹Fin ɔ sa klun, kplo! Si ɔ́ ja ase nan bo awuyomo se kɛ: Ɔo! Izraɛlfuɛ'm be aeliɛ tɛtɛ nin be tete sa'm bɔ be yo be'n ti, alɛ'n ɔ wa di be, awe wa kun be lele be wie wu, tukpacɛ b'ɔ sa ndɛndɛ'n wa nunnun be.

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Ndɛ Nga Nyanmiɛn I Nuan Ijɔfuɛ Oze Kannin'n 9:6

Kɛ amun mɛn'n ko saci bɔ an ´jaso nun kɔ'n, Eziptfuɛ'm be ´sɔ amun nun li bɔ cɛ, sanngɛ Mɔf klɔ'n yɛ ɔ ´yo amun asieliɛ-ɔ. Amun sika'n ɔ ´ka ijre afiɛn. Owie yɛ ɔ wa fu amun sua'm be nun-ɔn.