Zeremi 42:2 - NYANMIƐN NDƐ'N 1998

² «E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Zeremi 42:2 ပူးပေါင်းရင်းမြစ်များ

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

Jue Mun 119:170

Anannganman, man n srɛwa tantrantan nga n srɛ wɔ'n ɔ wɔ lele to wɔ lɔ! De min kɛ a fa kan kleli min'n sa.

Ezipt Lɔ Tulɛ'n 8:28

Kɛ ɔ yoli sɔ'n, famiɛn'n wa keteli i anwlɛn'n ekun. I waan ɔ yaci-man Izraɛlfuɛ'm be nun nan be kɔ-man.

Ezipt Lɔ Tulɛ'n 9:28

Amun `kpata Nyanmiɛn be man min nan ngblannan nin nzraama'n be jran. N su tra-man amun ase kun. M ´man amun atin amun ´kɔ.»

Ezai 1:15

Kɛ amun man amún sa'm be su kɛ amun ´srɛ min'n, n kata min nyin kɛ ɔ ´yo nan m'an wun-man amun'n ti. Sɛ amun srɛ min bɔ lele'n, ɔ ti ngbɛn. N su sie-man min su. Afin sran'm be mmoja ase gualɛ'n yɛ ɔ ti amun junman-an.

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 37:4

Atrɛkpa-a Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man Ezekias waan a srɛ Nyanmiɛn man be nga be ka lɛ mun.› »

Ezai 42:20

A wunnin ninnge kpanngban kpa, sanngɛ w'a bu-man be akunndan. Ɔ su'm be ti tikewa sanngɛ ɔ'a ti-man ndɛ fi.

Zeremi 15:11

Sɛ m'an nian-man nun m'an su-man wɔ'n, yɛ kɛ nyrɛnnɛn blɛ'n juli'n, kɛ sa'n nyannin be'n, sɛ m'an srɛ-man bé ti'n, wuun man like nga be fa sunnzun mín wun'n ɔ yo su .

Zeremi 2:27

Be ko se waka'n kɛ: ‹A ti mín si.› Be ko se yɛbuɛ'n kɛ: ‹Wɔ yɛ a wuli min-ɔn.› Be nian-man min nyrun kun. Be kaci bé sin si min. Sanngɛ kɛ sa'n ɔ wa nyan be'n, kpɛkuun wuun be ´su kpan be ´sun flɛ min kɛ: ‹Bla a de ye.›

Zeremi 21:2

«Nɛbikadnɛzar b'ɔ ti Babilɔni famiɛn'n ɔ'a fa alɛ ɔ'a wla ye sin, i ti usa Anannganman sa man ye. Sɛ ɔ ´yi i atrɛ'm be nun kun man ye nan e kpɔfuɛ sɔ'm be ´wanndi kɔ o!»

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 37:20

Ɔ man nannan, n ´srɛ wɔ. Mín sa la mín sa klun. Nán fa min sa min sin fluwa klɛfuɛ Zonatan i sua nun lɔ. Ɔ yo sɔ-ɔ n ko wu.»

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 38:14

Famiɛn Sedesias sunmannin sran kɛ ɔ ko flɛ Nyanmiɛn nuan ijɔfuɛ Zeremi. Kɛ Zeremi bali'n, ɔ nin i be ɔli klɛ nun Anannganman i sua'n nun wluwlɛ'n i nsan su'n nun lɔ. Nan famiɛn'n ɔ'a se i kɛ: «N waan n usa wɔ sa kun. Nga a wun i-ɔ, kan, nán fia su.»

Zeremi 40:15

Zosanan bɔbɔ ɔ fia wa toli Gɛdalia Mizpa lɔ, nan ɔ'a se i kɛ: «Jran man n ko kun Ismaɛl sɔ'n ke! N ´kun i sa bɔ sran fi su si-man kɛ wɔ yɛ man be kunnin i-ɔ. Ɔ'a yo-man sɔ-ɔ, ɔ wa kun wɔ sa sɔ ngbɛn kpɛkuun Zidafuɛ nga be o ɔ wun wa yɛ'n be kwlaa be wa bo be sanndi ekun, ɔ man Zida mɛn'n ´mlin.»

Zeremi 42:20

Amun bu i kɛ sran yɛ amun su lɛkɛ i-ɔ! Amun bɔbɔ yɛ amun su laka amun wun-ɔn! Afin amun wa seli min kɛ: ‹Yaci, srɛ Anannganman e Nyanmiɛn man ye nan i kwlaa ng'ɔ bua wɔ'n kan kle ye.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ezekiɛl 12:16

Sanngɛ n ´yo man sran wie'm be fin alɛ'n nun be fite, awe nin tukpacɛ b'ɔ sa ndɛndɛ'n be su kun-man be. Be sɔfuɛ'm be ´ko kan be tete sa nga be yoli i ndɛ ´kle nvle nga be ´tran be nun mun, kpɛkuun nvle sɔ'm be nunfuɛ'm be kusu be wa si jrɛiin kɛ min yɛ n ti Anannganman nin-ɔn.› »

Ndɛ Nga Nyanmiɛn I Nuan Ijɔfuɛ Oze Kannin'n 8:10

Ninnge wla nga be fa mannin nvle uflɛ mun lɛ'n, ɔ ti ngbɛn. Blɛ nga ɔ'a ju yɛ'n liɛ'n, n wa tian bé nuan. Trɔ nga wlengbi'm be famiɛn'n ɔ wa fa taka bé ti su'n, ɔ ´ti be kpa.

Saun Yolɛ 26:22

N ´fa blo nnɛn mun n gua amun nvle'n nun be ´kun amun mma mun, yɛ be ´kun amun nnɛn mun. Kɛ ɔ ko yo sɔ'n, kpɛkuun amun ´ka kaan, yɛ amun atin mma'm be ´tɔ srololo.

Amɔs 7:2

Kɛ n ´nian bɔ lalo'm be su wa wie mɛn'n nun ijre'n kwlaa di'n, yɛ n seli kɛ: Anannganman Nyanmiɛn, Zakɔb osu nunfuɛ'm be ti kaan ngboko, sɛ w'a yaci-man bé wun sa'n a cɛ-man be'n, be ´wie nunnun.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Sa nga bé yôli'n 8:24

Yɛ Simɔn seli be kɛ: «Amun bɔbɔ an `kpata e Min Nyanmiɛn'n man min kɛ ɔ ´yo nan sa nga an kɛn i ndɛ'n i wie fi ɔ'a tɔ-man n su'n ti.»

Mmla'n 28:62

Amun kpanngban bɔ amun ti kɛ nyanmiɛn su lɔ nzraama'm be sa'n, amun wa ka kaan sa Anannganman amun Nyanmiɛn'n i aniɛn bɔ amu'an ti-man'n ti.

Mmla'n 28:63

Anannganman yoli amun kpa, ɔ man amun trɛli. Ɔ wa wlu amun nun, amun ´wie nunnun, kpɛkuun amu'an jaso mɛn nga amun ´ko fa'n nun.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

1 Samiɛl 12:19

Be kwlakwla be seli Samiɛl kɛ: «Nannan, srɛ Anannganman ɔ Nyanmiɛn'n man ye nan y'a wu-man, afin y'a fa famiɛn kunndɛlɛ'n y'a uka é tɛ beblebe'm bé su.»

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.

1 Samiɛl 7:8

Izraɛlfuɛ'm be seli Samiɛl kɛ: «Nán yaci e ti srɛlɛ. Kpan flɛ Anannganman e Nyanmiɛn'n man ɔ de e Filistifuɛ'm bé sa nun.»