Zeremi 42:18 - NYANMIƐN NDƐ'N 1998

¹⁸ Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 42:18 ပူးပေါင်းရင်းမြစ်များ

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

Ezai 30:3

Sanngɛ Ezipt famiɛn'n i talolɛ bɔ amun ´kɔ lɛ'n, amún nyin yɛ ɔ ´gua ase-ɔ, Eziptfuɛ'm bé sin nga amun ´ko fialɛ'n, nyannzuɛn yɛ amun ´wun i-ɔ.

Ezai 65:15

Sɛ amun wu'n, min sufuɛ nga be ´ka amún sin wa'n, be ´fa amun dunman'n yɛ be ´fa wa sran'm be amuɛn-ɔn. Be ´se kɛ: Man Anannganman kun wɔ kɛ sran nga sa annzɛ kɛ sran nga sa. Sanngɛ min sufuɛ'm be liɛ'n, m ´man be dunman uflɛ .

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 22:27

Amún wla ´lo mɛn nga lele ngbɛn, amun su sa-man amún sin wa kun.›

Zeremi 23:40

Amún nyin ase nga n ´gua'n, bé wla su fi-mɛn i le nan kɛ ɔ ´yo-ɔ ɔ'a yo.› »

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ngwlɛ Yilɛ 2:4

Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 20:34

Min kwlalɛ bɔ n kwla'n ti n ´fa amun nvle-nvle nga amun o be nun'n be afiɛn, ɔ nin mɛnmɛn nga amun bo sanndili be nun'n, be nun. N ´yiayia amun. N yo i sɔ'n ya su.

Ezekiɛl 22:22

Kɛ sika'n fa klo i kunman nga be klo i nun i nun'n, i kunngba nin-ɔn, amun kusu amun wa klo sɔ Zerizalɛm klɔ'n nun. Yɛ amun wa si jrɛiin kɛ min Anannganman, m'an fa min ya dan'n m'an gua amun su.› »

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Kalɛ 5:27

Sɛ bla'n nɔn nzue sɔ'n, sa ng'ɔ wa ju'n yɛ. Sɛ ɔ yoli i bɔbɔ i wun finfin'n i wun bo bian kunndɛlɛ nun'n, sannzan nzue'n ɔ ´wlu i klun lɔ, ɔ ´wlɛ i ku'n, kpɛkuun i klun ´yo kpan. I wla'n su gua-man ase kun. Kɛ ɔ fin lɛ'n, sɛ i wiengu'm be ´bo sran sannzan'n, be ´nian ng'ɔ juli i su'n i su yɛ be ´bo-ɔ.

Sa nglô yile 14:10

ɔ ´nɔn Nyanmiɛn i nzan muɛn'n b'ɔ fa guɛ i ya klowa nun'n wie. Nzan sɔ'n yɛlɛ Nyanmiɛn i ya'n b'ɔ fa'n. Be kwlaa nga be yo sɔ'n, be ´kle be nyrɛnnɛn sin bɔ sufru o nun'n nun Nyanmiɛn i anz nin Bua Gbanflɛn'n be nyrun lɛ .