Zeremi 42:1 - NYANMIƐN NDƐ'N 1998

¹ Kpɛkuun sonja akpasua kunngun'm be kpɛn'm be kwlaa, ɔliɛ Kareak i wa Zosanan nin Ose i wa Azaria, ɔ nin sran nga be o lɛ'n be kwlaa be wa toli Nyanmiɛn nuan ijɔfuɛ Zeremi nan b'a se i kɛ:

Zeremi 42:1 ပူးပေါင်းရင်းမြစ်များ

2 Famiɛn Mun 25:23

Sonja'm bé su kpɛn nga b'a fa-man bé wun b'a man-man Babilɔnifuɛ mun'n, be tili i kɛ Babilɔni famiɛn'n ɔ'a sie Gɛdalia kpɛn. Be nin be sonja'm be ɔli Gɛdalia wun lɔ Mizpa lɔ. Be nga be ɔli sɔ'n be dunman mun yɛ: Nɛtania i wa Ismaɛl, nin Kareak i wa Zosanan, nin Tanimɛt b'ɔ fin Nɛtofa'n i wa Sɛraza, yɛ Maakat bian'n i wa Zazania. Be kwlaa sɔ'n, be nin be sran mun yɛ be ɔli-ɔ.

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 40:13

Le kun Kareak i wa Zosanan nin sonja kpɛn nga be o blo lɔ be wa toli Gɛdalia Mizpa lɛ.

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Zeremi 41:11

Kareak i wa Zosanan nin sonja kpɛn nga be o i wun lɛ'n be tili sa tɛ nga Nɛtania i wa Ismaɛl yoli'n.

Zeremi 41:16

Kpɛkuun Zosanan nin sonja kpɛn nga be o i sa nun'n, be fali sran nga kɛ Ismaɛl kunnin Gɛdalia'n ɔ trali be Mizpa ɔli'n. Be deli be Ismaɛl sa nun Gabaɔn lɔ be sali bé sin. Sran sɔ mun'n, sonja o be nun, bla o be nun, ba kanngan'm be o be nun, sran nga be sɛli be'n be o be nun.

Zeremi 41:18

Afin srɛ kun be Babilɔnifuɛ'm bé wun. Kɛ ɔ fin cɛn bɔ Ismaɛl kunnin Gɛdalia bɔ Babilɔni famiɛn'n fɛ i sieli i mɛn'n su'n, srɛ kunnin be Babilɔnifuɛ'm bé wun.

Zeremi 42:20

Amun bu i kɛ sran yɛ amun su lɛkɛ i-ɔ! Amun bɔbɔ yɛ amun su laka amun wun-ɔn! Afin amun wa seli min kɛ: ‹Yaci, srɛ Anannganman e Nyanmiɛn man ye nan i kwlaa ng'ɔ bua wɔ'n kan kle ye.

Zeremi 42:8

Zeremi flɛli Kareak i wa Zosanan nin sonja akpasua kun mun, ɔ nin sran nga be o lɛ'm be kwlaa kpan.

Zeremi 43:2

Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 11:1

Nyanmiɛn i Wawɛ'n mannin min su ɔli Nyanmiɛn i sua'n i anuan ng'ɔ o wia afiliɛ lɔ lika nun'n i nyrun lɔ. N ´wun i-ɔ, sran ablaɔn-nin-nnun yɛ be o anuan'n nun yɛ, n wunnin nvle'n su kpɛnngbɛn nnyɔn be wlɛ, Azir i wa Zazania nin Bɛnaza i wa Pɛlatia. Be o sran sɔ'm be afiɛn.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Ezekiɛl 8:11

Izraɛl kpɛnngbɛn ableso be jin nglo talɛ'n wun ninnge sɔ'm be nyrun lɛ. Safan i wa Zazania o be nun. Ansans yrawlɛ ninnge o be sa nun sɛsɛsɛ, yɛ ansans nga be su yrɛ i'n i wɛnsrɛn'n ɔ jaso kpa tukuu.

Matthieu 15:8

‹Sran nga'm be kɛn i bé nuan bui su kɛ be bu n sran, sanngɛ be anwlɛn nun-man min su.

Sa nga bé yôli'n 8:10

Sran'm be kwlaa be tie i ndɛ'n kpa, be ngblewa-ngblewa mun o, be nga be lɛ-man nyrun mun o, be se kɛ: «Nyanmiɛn yɛ ɔ tinnin i-ɔ.»