Zeremi 41:9 - NYANMIƐN NDƐ'N 1998

⁹ Nzue gbo nga famiɛn Aza nin Izraɛl famiɛn Baɛsa be ´kun alɛ bɔ Aza man be kpɛli'n, i nun yɛ Ismaɛl guali sran nga Gɛdalia dunman nun ti ɔ kunnin be'n be fuɛn nin-ɔn. Fuɛn'n yili nzue gbo sɔ'n.

Zeremi 41:9 ပူးပေါင်းရင်းမြစ်များ

2 Samiɛl 17:9

Kɛ e ´se yɛ'n, ɔ fia yɛbuɛ buɛ annzɛ lika uflɛ wie nun. Sɛ alɛ'n i bo bolɛ nun e fuɛ'm be wie tɔ'n, be wa kan sin kɛ: ‹Absalɔmfuɛ'm be lɛ-man jranwlɛ,›

Ezai 14:19

Sanngɛ ɔ liɛ'n, be yili ɔ saka'n i blo. A ti kɛ tete ba bɔ wa wu i nin klun'n sa, w'a nyan-man asieliɛ. A ti kɛ fuɛn b'ɔ b'a tiatia su'n sa. A ti kɛ be nga be fali tokofi be kunnin be'n, bɔ be suli be saka'm bé bo guali kunman wie nun lɔ yɛbuɛ'm be su'n sa.

Hébreu 11:38

Be kpa'n ti'n, be nin mɛn nga nun tranlɛ a fata-man! Be wlan-wlan aawlɛ flɛnnɛn'm be nun nin oka'm bé su, yɛ be tran yɛbuɛ buɛ nin kunman'm be nun.

Jɔlɛ Difuɛ Mun 6:2

Kɛ Madianfuɛ'm be ko kle Izraɛlfuɛ'm be yalɛ'n yɛ be kleli be-ɔ. Kɛ ɔ ko yo nan Izraɛlfuɛ'm b'a nyan bé ti Madianfuɛ'm bé sa nun'n ti be fia oka'm be kɔtɔka'm be nun, nin yɛbuɛ buɛ'm be nun, ɔ nin oka be su yɛbuɛ godogodo'm be nun.

1 Samiɛl 13:6

Izraɛlfuɛ'm be ´nian-an, Filistifuɛ mun b'a mantan be koko kpa, kɛ be wun-man bé wun fɛ'n, be ko fiali yɛbuɛ buɛ'm be nun, wie'm be ko fiali susrɛ'm be nun, nin yɛbuɛ dandan'm be afiɛn, nin lika nga be sisili bé wun'n be nun, ɔ nin nzue gbo'm be nun lɔ.

1 Samiɛl 14:11

Yɛ be fali bé wun kleli Filistifuɛ mun-ɔn. Filistifuɛ'm be waan: «Ebre'm be su fin buɛ nga be fiali nun'n be nun ´fite.»

1 Samiɛl 14:22

Izraɛlfuɛ nga be fiali Efraim oka-oka nun lɔ'n, kɛ be tili kɛ Filistifuɛ'm be su wanndi'n, be suli bé su, yɛ be nin be kunnin.

1 Samiɛl 24:3

Sail fali Izraɛl sonja kpakpa'm be nun akpi nsan (3.000). Yɛ ɔ nin be ɔli David nin i sran'm be kunndɛlɛ-ɔ. Kɛ ɔ ´yo sɔ'n, wuun be kusu be o blo boli'm be kpangba'n i nyrun ndɛnman su lɔ.