Zeremi 41:5 - NYANMIƐN NDƐ'N 1998

⁵ Sran ablaɔcuɛ be fin Sisɛm nin Silo, ɔ nin Samari be su ba lɛ. Be ´ba-a, b'a yi be akanza'n, b'a titi be wun tralɛ'm be nun, b'a bobo bé wun kannin. Be fali ble nin ansans kɛ be wa fa man Nyanmiɛn i sua'n nun Zerizalɛm lɔ.

Zeremi 41:5 ပူးပေါင်းရင်းမြစ်များ

Bo Bolɛ 33:18

Kɛ Zakɔb fin Mezopotami i nglo lɔ ´ba'n, like fi ɔ'a yo-mɛn i yɛ ɔ juli Kanaan mɛn'n nun lɔ klɔ nga be flɛ i Sisɛm su-ɔ. Ɔ boli nanmue klɔ'n wun lɛ.

Bo Bolɛ 34:2

Kpɛkuun Amɔr b'ɔ ti Evfuɛ'm be kpɛnngbɛn'n i wa Sisɛm ɔ'a wun i. Ɔ trɛli i, ɔ nin i be lali kekle nun.

Bo Bolɛ 37:12

Zozɛf i niaan'm be ɔli Sisɛm lika'n nun lɔ bé si i bua nin boli'm be kankanlɛ.

2 Samiɛl 10:4

Yɛ Anɛn trali David i sran mun nan ɔ'a yi be akanza'n i bue, yɛ ɔ kpɛli be tralɛ'n i afiɛn'n yili, ɔ kpɛli i bé bo ndrɛ'n su, nan ɔ'a se be kɛ be wɔ.

1 Famiɛn Mun 12:1

Rɔbɔam ɔli Sisɛm. Lɔ yɛ Izraɛlfuɛ'm be kwlaa be yiali kɛ be ´sie i famiɛn nin-ɔn.

1 Famiɛn Mun 12:25

Zeroboam sili Sisɛm klɔ'n i wun talɛ Efraim oka'n su lɔ nan ɔ'a tran lɔ. I sin ɔ fɛli i lɛ ko sili Peniɛl klɔ'n i wun wie.

1 Famiɛn Mun 16:24

I sin, ɔ toli Samari oka'n Semɛr sa nun jɛtɛ ufuɛ mma akpi nsiɛn (6.000) nan ɔ'a kplan klɔ kun oka sɔ'n su. Ɔ flɛli klɔ sɔ'n kɛ Samari. Semɛr bɔ i liɛ yɛlɛ oka sɔ'n laa'n, i dunman'n yɛ Ɔmri fa flɛli i-ɔ.

1 Famiɛn Mun 16:29

Kɛ Ɔmri i wa Akab ´sie Izraɛl'n, wuun famiɛn Aza kusu ɔ'a sie Zida ɔ'a di afuɛ ablasan-nin-mɔcuɛ. Akab sieli Izraɛl afuɛ ablaɔn-nin-nnyɔn. Ɔ trannin Samari lɔ.

2 Famiɛn Mun 25:9

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Ɔ'a yaci-man sran kpakpa'm bé sua'n wie fi lɛ.

1 Be Nyoliɛ 19:4

Yɛ Anɛn trali David i sran mun nan ɔ'a yi be akanza'n i bue, yɛ ɔ kpɛli be tralɛ'n i afiɛn yili, ɔ kpɛli i bé bo ndrɛ'n su sɛsɛ, nan ɔ'a se be kɛ be wɔ.

Jue Mun 102:14

A su tran-man diin sa. A ´si Siɔnfuɛ'm be aunnvuɛ, afin be aunnvuɛ silɛ blɛ'n ɔ'a ju lele be flɛ-mɛn i julɛ kun.

Jue Mun 78:60

Ɔ jasoli Silo lɔ i tannin sua bɔ i nun yɛ ɔ tran sran'm be afiɛn'n nun.

Ezai 15:2

Dibɔnfuɛ'm be kɔ amuɛn sua'm be nun be ko sun. Be kɔ sraka yiwlɛ mun bɔ be o kpɔlɛ'm be su'n be nun, be ko sun. Moabfuɛ'm be kɔ Nɛbo oka'n su be ko yi ngwlɛ. Be kɔ Medɛba klɔ lɔ be ko yi ngwlɛ. B'a yi bé ti'm be kwlaa, b'a yi be akanza'n kwlaa.

Zeremi 16:6

«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.

Zeremi 41:4

Kɛ be kunnin Gɛdalia'n b'ɔ ´di le nnyɔn'n, wuun sran fi nian ti-man nun.

Zeremi 47:5

Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Zeremi 48:37

B'a kpu bé ti'm be su tɔɔn! B'a yi be akanza mun wauun! B'a bobo bé sa'm bé wun kannin sa nán sa yolɛ-ɔ. Bajɛ tralɛ'n wo be wun sɛsɛsɛ.

Zeremi 7:12

«Sɛ amun waan n ´laka'n, an `ko nian mín sua ng'ɔ o Silo lɔ'n kan n trannin lɔ laa'n. An `ju lɔ be nian like nga n fa yoli Izraɛlfuɛ'm bɔ be ti min nvle nunfuɛ'n be sa tɛtɛ bɔ be yo'n i dunman nun.

Zeremi 7:14

I ti'n, sa kunngba nga n fa yoli Silo'n yɛ n ´fa yo sua nga min dunman'n wo su yɛ'n bɔ i su yɛ an lafi'n, ɔ nin lika nga n fa mannin amun nin amun nannan mun nin-ɔn .

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Zozie 18:1

Kɛ Izraɛlfuɛ'm be fali mɛn'n, be ko yiali Silo lɔ, nan b'a kplan sua nga Anannganman yi i wun nglo nun'n.

Zozie 24:32

Izraɛlfuɛ'm be sieli Zozɛf i owie'n bɔ be fa fin Ezipt bali'n Sisɛm lɛ. Be sieli i lika nga Zakɔb toli i Amɔr ng'ɔ takali Sisɛm klɔ'n i mma'm bé sa nun jɛtɛ ufue ya'n i nun. Lika sɔ'n yoli Zozɛf i mma'm be liɛ .

Jɔlɛ Difuɛ Mun 18:31

Kan be takali amuɛn nga Mika yoli'n, ɔ kali lɛ blɛ nga Nyanmiɛn sua'n wo Silo'n lɔ'n.

Jɔlɛ Difuɛ Mun 9:1

Zedeɔn b'ɔ i suan dunman yɛlɛ Zɛribaal'n i wa Abimelɛk ɔli i nin niaan bian'm bé wun Sisɛm lɔ. Ɔ seli be ɔ nin i nin osufuɛ'm be kɛ:

1 Samiɛl 1:7

Afuɛ nuan kwlakwla kɛ ɔ ti sɔ-ɔ. Afuɛ kwlakwla'n sɛ Ani jaso kɛ ɔ ´kɔ Anannganman sua'n nun lɔ'n, san Pɛnina kputu i. Afuɛ kun wa juli, kɛ ɔ ´sun b'ɔ di-man like'n,