Zeremi 41:3 - NYANMIƐN NDƐ'N 1998

³ Zidafuɛ'm be kwlaa bɔ be nin Gɛdalia be o Mizpa lɛ'n ɔ nin Babilɔni sonja nga be o lɛ'n, Ismaɛl kunnin be ekun.

Zeremi 41:3 ပူးပေါင်းရင်းမြစ်များ

2 Famiɛn Mun 25:25

Sanngɛ afuɛ'n i anglo nso su'n, Elisama i wa Nɛtania i klun ba liɛ Ismaɛl'n, b'ɔ ti famiɛn'n i osu nunfuɛ'n, ɔ fali sran blu ukɛli i bɔbɔ su. Be ɔli Mizpa lɔ be ko kunnin Gɛdalia, nin Zidafuɛ mun, ɔ nin Babilɔnifuɛ nga be nin i be o lɔ'n,

Akunndanfuɛ'n 9:18

Ngwlɛlɛ'n i kpa liɛ'n, alɛ ninnge'm be to-mɛn i. Sa tɛ yofuɛ kunngba cɛ kwla saci like kpanngban.

Zeremi 41:2

Kpɛkuun yɛ Ismaɛl nin i sran blu mun be jasoli be wɔli i kue be kunnin i-ɔ. Nian sran bɔ Babilɔni famiɛn'n ɔ'a fɛ i ɔ'a sie i mɛn'n su'n yɛ Ismaɛl kunnin i-ɔ.

Zeremi 41:4

Kɛ be kunnin Gɛdalia'n b'ɔ ´di le nnyɔn'n, wuun sran fi nian ti-man nun.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .