Zeremi 41:2 - NYANMIƐN NDƐ'N 1998

² Kpɛkuun yɛ Ismaɛl nin i sran blu mun be jasoli be wɔli i kue be kunnin i-ɔ. Nian sran bɔ Babilɔni famiɛn'n ɔ'a fɛ i ɔ'a sie i mɛn'n su'n yɛ Ismaɛl kunnin i-ɔ.

Zeremi 41:2 ပူးပေါင်းရင်းမြစ်များ

2 Samiɛl 3:27

Kɛ Abnɛr juli Ebrɔn lɛ'n, Zoab flɛli i klɛ nun klɔ'n i anuan'n nun lɔ. Ɔ yo kɛ wuun ɔ ´kan ndɛ kle i sa. Yɛ bi! Yɛ ɔ wɔli i klun tokofi-ɔ. Ɔ kunnin i sieli i niaan bian Azaɛl osu.

2 Famiɛn Mun 25:25

Sanngɛ afuɛ'n i anglo nso su'n, Elisama i wa Nɛtania i klun ba liɛ Ismaɛl'n, b'ɔ ti famiɛn'n i osu nunfuɛ'n, ɔ fali sran blu ukɛli i bɔbɔ su. Be ɔli Mizpa lɔ be ko kunnin Gɛdalia, nin Zidafuɛ mun, ɔ nin Babilɔnifuɛ nga be nin i be o lɔ'n,

Jue Mun 109:5

N yo be kpa, sanngɛ tɛ cɛ yɛ be yo min-ɔn. N klo be, sanngɛ kpɔlɛ'n cɛ yɛ be kpɔ min-ɔn.

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Zeremi 40:14

Be seli i kɛ: «?Kɛlɛ a si kɛ Baali b'ɔ ti Amɔn famiɛn'n ɔ'a sunman Nɛtania i wa Ismaɛl kɛ ɔ wa kun wɔ?» Gɛdalia ɔ'a fɛ-mɛn i ti ɔ'a de-man.

Zeremi 40:16

Gɛdalia ko tɛli Zosanan su kɛ yoo: «Nán tɔn Ismaɛl suɛn kun i ngbɛn!»

Zeremi 40:5

Zeremi o lɛ, ɔ tɛ-mɛn i su, yɛ Nɛbizaradan seli i kɛ: «Kɔ Safan i wa Asikam i wa liɛ Gɛdalia bɔ Babilɔni famiɛn'n fɛ i sieli Zida klɔ'm be su'n i sin. A nin i nin Zidafuɛ'm be `tran lɔ. Annzɛ lika kwlaa nga ɔ waan a ´kɔ'n, kɔ.» Nan gladi difuɛ kpɛn'n ɔ'a mɛn i aliɛ nan ɔ'a cɛ i ninnge mun, yɛ ɔ mɛnnin i atin ɔ ɔli-ɔ.

Zeremi 40:7

Sonja kpɛnngbɛn nga be o blo lɔ'n, be nin be sonja mun be tili i kɛ Asikam wa Gɛdalia yɛ Babilɔni famiɛn'n fɛ i sieli mɛn'n su-ɔ, nan yalɛfuɛ nga b'a fa-man be b'a ɔ-man Babilɔni'n, i yasua o, i bla o, i ba kanngan o, ɔ fali be mɛnnin i.

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Zeremi 41:3

Zidafuɛ'm be kwlaa bɔ be nin Gɛdalia be o Mizpa lɛ'n ɔ nin Babilɔni sonja nga be o lɛ'n, Ismaɛl kunnin be ekun.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»