Zeremi 41:1 - NYANMIƐN NDƐ'N 1998

¹ Anglo nso su'n, Elisama i wa Nɛtania i klun ba Ismaɛl b'ɔ ti famiɛn i osufuɛ'n b'ɔ ti i awlo'n lɔ sran dandan'm be nun kun'n, ɔ nin sran blu be wa toli Asikam i wa Gɛdalia Mizpa lɛ. Be nin Gɛdalia be dili like.

Zeremi 41:1 ပူးပေါင်းရင်းမြစ်များ

2 Samiɛl 3:27

Kɛ Abnɛr juli Ebrɔn lɛ'n, Zoab flɛli i klɛ nun klɔ'n i anuan'n nun lɔ. Ɔ yo kɛ wuun ɔ ´kan ndɛ kle i sa. Yɛ bi! Yɛ ɔ wɔli i klun tokofi-ɔ. Ɔ kunnin i sieli i niaan bian Azaɛl osu.

2 Famiɛn Mun 11:1

Kɛ Atali b'ɔ ti Akazia i nin'n wunnin kɛ i wa'n ɔ'a wu'n, ɔ nunnunnin famiɛn'n i mma'm be ngba.

2 Famiɛn Mun 25:22

Sran nga Nɛbikadnɛzar yacili be Zida mɛn'n nun'n, ɔ fali Safan i wa Asikam i klun ba Gɛdalia fa sieli bé su kɛ ɔ yo bé su kpɛn.

2 Famiɛn Mun 25:25

Sanngɛ afuɛ'n i anglo nso su'n, Elisama i wa Nɛtania i klun ba liɛ Ismaɛl'n, b'ɔ ti famiɛn'n i osu nunfuɛ'n, ɔ fali sran blu ukɛli i bɔbɔ su. Be ɔli Mizpa lɔ be ko kunnin Gɛdalia, nin Zidafuɛ mun, ɔ nin Babilɔnifuɛ nga be nin i be o lɔ'n,

2 Be Nyoliɛ 22:10

Kɛ Atali b'ɔ ti Akazia i nin'n wunnin kɛ i wa'n ɔ'a wu'n, ɔ nunnunnin Zida famiɛn'n i mma'm be ngba.

Jue Mun 109:5

N yo be kpa, sanngɛ tɛ cɛ yɛ be yo min-ɔn. N klo be, sanngɛ kpɔlɛ'n cɛ yɛ be kpɔ min-ɔn.

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Nyanndra Mun 27:4

Ya tɛ'n ɔ man be kun sran-an ɔ yo ye. Anwlɛn fufu'n ɔ man be ´yo sa-a be wun-man nun. Anyinbloɛ'n i liɛ'n tra ngba, sran fi kwla jrɛn-mɛn i nyrun.

Zeremi 36:12

ɔ ɔli famiɛn'n i awlo lɔ, yɛ ɔ ɔli awa'n i fluwa klɛfuɛ i sua'n nun lɔ. Ɔ ´kɔ'n, wuun famiɛn i awlo lɔ sran dandan'm be kwlaa be o lɔ: i awa'n i fluwa klɛfuɛ bɔ be flɛ i Elisama nin o, i Sɛmaɛza i wa b'ɔ suan Dɛlaza nin o, i Akbɔr i wa b'ɔ suan Ɛlnatan nin o, i Safan i wa b'ɔ suan Gɛmaria nin o, i Anania i wa b'ɔ suan Sedesias nin o, ɔ nin be nga mun.

Zeremi 36:20

Kpɛkuun be yacili fluwa'n Elisama b'ɔ ti awa fluwa klɛfuɛ'n i junman diwlɛ lɛ yɛ be ɔli famiɛn i awlo lɔ be ko kannin ndɛ sɔ'n kwlaa kleli i-ɔ.

Zeremi 39:14

be sunmannin sran ko fali Zeremi gladi awlo'n nun lɔ, be fɛli i mannin Safan i wa Asikam i klun ba liɛ Gɛdalia kɛ ɔ `fɛ i fa ɔ i awlo. Ɔ man Zeremi nin klɔ'n nunfuɛ mun yɛ be trannin lɛ-ɔ.

Zeremi 40:13

Le kun Kareak i wa Zosanan nin sonja kpɛn nga be o blo lɔ be wa toli Gɛdalia Mizpa lɛ.

Zeremi 40:5

Zeremi o lɛ, ɔ tɛ-mɛn i su, yɛ Nɛbizaradan seli i kɛ: «Kɔ Safan i wa Asikam i wa liɛ Gɛdalia bɔ Babilɔni famiɛn'n fɛ i sieli Zida klɔ'm be su'n i sin. A nin i nin Zidafuɛ'm be `tran lɔ. Annzɛ lika kwlaa nga ɔ waan a ´kɔ'n, kɔ.» Nan gladi difuɛ kpɛn'n ɔ'a mɛn i aliɛ nan ɔ'a cɛ i ninnge mun, yɛ ɔ mɛnnin i atin ɔ ɔli-ɔ.

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Zeremi 40:7

Sonja kpɛnngbɛn nga be o blo lɔ'n, be nin be sonja mun be tili i kɛ Asikam wa Gɛdalia yɛ Babilɔni famiɛn'n fɛ i sieli mɛn'n su-ɔ, nan yalɛfuɛ nga b'a fa-man be b'a ɔ-man Babilɔni'n, i yasua o, i bla o, i ba kanngan o, ɔ fali be mɛnnin i.

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Ezekiɛl 17:13

Ɔ fali diewa ba kun, ɔ nin i trali aenguɛ, ɔ tali nda kɛ ɔ su kpɔci-mɛn i. Ɔ fali sran kaklaakla mun ɔli mɛn'n i wun mmua

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»