Zeremi 40:9 - NYANMIƐN NDƐ'N 1998

⁹ Gɛdalia kannin ndɛ kleli be nin be sran mun, ɔ seli be kɛ yoo: «Nán srɛ kun amun, an su Babilɔnifuɛ mun, an `ka e mɛn'n nun wa an su Babilɔni famiɛn'n, amun ´nyan amun ti.

Zeremi 40:9 ပူးပေါင်းရင်းမြစ်များ

Bo Bolɛ 49:15

Ɔ wunnin kɛ lika ng'ɔ o nun'n ti kpa, nan i nun tranlɛ yo fɛ. Yɛ ɔ fɛli i sin mannin kɛ be sie su trɔ. Yɛ ɔ kplinnin su kɛ ɔ ´di junman kɛ akua wie sa.

2 Famiɛn Mun 25:24

Gɛdalia tali be nda, yɛ ɔ kan kleli be nin bé sa nun sran'm be kɛ: «Nán srɛ kun amun Babilɔnifuɛ'm bé ti. Amun `ka Zida mɛn'n nun wa, amun `su Babilɔni famiɛn'n, yɛ amun ´di alaje.»

Jue Mun 128:2

Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Zeremi 27:11

Nvle nga kusu bɔ i nunfuɛ'm be fa be kɔmin'n man Babilɔni famiɛn'n nan ɔ sie su be kɔmin su waka nan be su i'n, n ´yo man be ´di alaje famiɛn sɔ'n i mɛn'n nun. Be ´di fie lɔ be cɛ, lɔ yɛ be ´tran-an.» Anannganman'n yɛ ɔ kan sɔ-ɔ.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 5:9

Sɛ e ´kɔ aliɛ kunndɛlɛ'n, be flɛ kɛ e yo e nguan'n i atɛ. Afin alɛ kunfuɛ'm be kpa aawlɛ flɛnnɛn nun'n sa waa.