Zeremi 40:8 - NYANMIƐN NDƐ'N 1998

⁸ Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Zeremi 40:8 ပူးပေါင်းရင်းမြစ်များ

2 Samiɛl 10:6

Kɛ Amɔnfuɛ'm be wunnin i kɛ b'a wɔ David safle'n, be fali sika be ko yiali Bɛt-Rɛɔb lɔ Sirifuɛ mun, ɔ nin Sɔba lɔ Sirifuɛ'm be sonja akpi-akpi ablaɔn (20.000), ɔ nin Maaka famiɛn'n i sonja akpi, ɔ nin Tɔbfuɛ'm be sonja akpi-akpi blu-nin-nnyɔn (12.000).

2 Samiɛl 10:8

Amɔnfuɛ'm be fiteli be wa jrannin klɔ'n i anuan'n nun alɛ'n i kunlɛ ti. Sirifuɛ nga be fin Sɔba nin Rɛɔb'n be nin Tɔbfuɛ nin Maakafuɛ'm be o be liɛ aawlɛ flɛnnɛn i lika uflɛ nun.

2 Samiɛl 23:34

nin Asasbai i wa Elifelɛt, ɔ ti Maaka bian kun i anunman, nin Asitɔfɛl i wa Eliam, ɔ fin Gilo,

2 Famiɛn Mun 25:23

Sonja'm bé su kpɛn nga b'a fa-man bé wun b'a man-man Babilɔnifuɛ mun'n, be tili i kɛ Babilɔni famiɛn'n ɔ'a sie Gɛdalia kpɛn. Be nin be sonja'm be ɔli Gɛdalia wun lɔ Mizpa lɔ. Be nga be ɔli sɔ'n be dunman mun yɛ: Nɛtania i wa Ismaɛl, nin Kareak i wa Zosanan, nin Tanimɛt b'ɔ fin Nɛtofa'n i wa Sɛraza, yɛ Maakat bian'n i wa Zazania. Be kwlaa sɔ'n, be nin be sran mun yɛ be ɔli-ɔ.

2 Famiɛn Mun 25:25

Sanngɛ afuɛ'n i anglo nso su'n, Elisama i wa Nɛtania i klun ba liɛ Ismaɛl'n, b'ɔ ti famiɛn'n i osu nunfuɛ'n, ɔ fali sran blu ukɛli i bɔbɔ su. Be ɔli Mizpa lɔ be ko kunnin Gɛdalia, nin Zidafuɛ mun, ɔ nin Babilɔnifuɛ nga be nin i be o lɔ'n,

1 Be Nyoliɛ 11:30

Maarai b'ɔ fin Nɛtofa'n, Baana b'ɔ fin Nɛtofa'n wa Elɛd.

1 Be Nyoliɛ 2:48

Kalɛb nin i soman Maaka be wuli Sebɛr nin Tirkana.

1 Be Nyoliɛ 2:54

Salma osu'n nunfuɛ mun yɛlɛ Bɛtleɛmfuɛ mun, nin Nɛtofafuɛ mun, nin Atrɔt-Bɛt-Zoabfuɛ mun, nin be nga be tran Azi-Amanakti'n be bue, nin Zɔreafuɛ mun,

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 2:22

Nɛtofa klɔ'n sufuɛ'm be ti sran ablenun-nin-nsiɛn.

Neemi 7:26

Bɛtleɛm nin Nɛtofa klɔ'n su, sran yasua ya sran ablaɔcuɛ-nin-mɔcuɛ,

Zeremi 37:15

Kɛ i su kpɛn'm be tili i sɔ'n, be fali ya Zeremi wun nan b'a bo i b'a wlɛ i bisua fluwa klɛfuɛ Zonatan i sua lɔ. I blɛ sɔ nun'n, wuun b'a fa sua sɔ'n b'a yo bisua.

Zeremi 37:20

Ɔ man nannan, n ´srɛ wɔ. Mín sa la mín sa klun. Nán fa min sa min sin fluwa klɛfuɛ Zonatan i sua nun lɔ. Ɔ yo sɔ-ɔ n ko wu.»

Zeremi 38:26

tɛ be su kɛ: ‹N srɛli famiɛn'n kɛ ɔ yaci nan nán ɔ ko wla min Zonatan sua'n nun lɔ kun. Ɔ'a yo-man sɔ-ɔ n ko wu ngbɛn.› »

Zeremi 40:11

Zidafuɛ nga be tran Moab, nin Amɔnfuɛ mun, nin Edɔmfuɛ'm be mɛn'n nun'n, be kusu be tili i kɛ Babilɔni famiɛn'n yacili sran'm be wie Zida mɛn'n nun nan ɔ fali Safan i wa Asikam i wa liɛ Gɛdalia fa sieli be su.

Zeremi 40:13

Le kun Kareak i wa Zosanan nin sonja kpɛn nga be o blo lɔ be wa toli Gɛdalia Mizpa lɛ.

Zeremi 40:14

Be seli i kɛ: «?Kɛlɛ a si kɛ Baali b'ɔ ti Amɔn famiɛn'n ɔ'a sunman Nɛtania i wa Ismaɛl kɛ ɔ wa kun wɔ?» Gɛdalia ɔ'a fɛ-mɛn i ti ɔ'a de-man.

Zeremi 40:15

Zosanan bɔbɔ ɔ fia wa toli Gɛdalia Mizpa lɔ, nan ɔ'a se i kɛ: «Jran man n ko kun Ismaɛl sɔ'n ke! N ´kun i sa bɔ sran fi su si-man kɛ wɔ yɛ man be kunnin i-ɔ. Ɔ'a yo-man sɔ-ɔ, ɔ wa kun wɔ sa sɔ ngbɛn kpɛkuun Zidafuɛ nga be o ɔ wun wa yɛ'n be kwlaa be wa bo be sanndi ekun, ɔ man Zida mɛn'n ´mlin.»

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Zeremi 41:1

Anglo nso su'n, Elisama i wa Nɛtania i klun ba Ismaɛl b'ɔ ti famiɛn i osufuɛ'n b'ɔ ti i awlo'n lɔ sran dandan'm be nun kun'n, ɔ nin sran blu be wa toli Asikam i wa Gɛdalia Mizpa lɛ. Be nin Gɛdalia be dili like.

Zeremi 41:11

Kareak i wa Zosanan nin sonja kpɛn nga be o i wun lɛ'n be tili sa tɛ nga Nɛtania i wa Ismaɛl yoli'n.

Zeremi 41:2

Kpɛkuun yɛ Ismaɛl nin i sran blu mun be jasoli be wɔli i kue be kunnin i-ɔ. Nian sran bɔ Babilɔni famiɛn'n ɔ'a fɛ i ɔ'a sie i mɛn'n su'n yɛ Ismaɛl kunnin i-ɔ.

Zeremi 42:1

Kpɛkuun sonja akpasua kunngun'm be kpɛn'm be kwlaa, ɔliɛ Kareak i wa Zosanan nin Ose i wa Azaria, ɔ nin sran nga be o lɛ'n be kwlaa be wa toli Nyanmiɛn nuan ijɔfuɛ Zeremi nan b'a se i kɛ:

Zeremi 42:8

Zeremi flɛli Kareak i wa Zosanan nin sonja akpasua kun mun, ɔ nin sran nga be o lɛ'm be kwlaa kpan.

Zeremi 43:2

Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Zeremi 43:5

Zosanan nin sonja akpasua su kpɛnngbɛn'm be fali Zidafuɛ nga be kali lɛ mun ɔli. Be kwlaa sɔ'n yɛ be bo sanndili lika'm be nun yɛ be sali bé sin bali Zida mɛn'n nun tranlɛ nin-ɔn.

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Zozie 12:5

Ɛrmɔn oka'n nin Salka klɔ'n, ɔ nin Bazan mɛn'n kwlaa b'ɔ fa ju Gesirfuɛ nin Maakatfuɛ'm be awɛ'n su'n, ɔ nin Galaad lika'n i bue bɔ i awɛ yɛlɛ famiɛn Siɔn i nvle'n bɔ be flɛ i Ɛsbɔn'n, i kwlaa sɔ'n ti famiɛn sɔ'n i liɛ.