Zeremi 40:5 - NYANMIƐN NDƐ'N 1998

⁵ Zeremi o lɛ, ɔ tɛ-mɛn i su, yɛ Nɛbizaradan seli i kɛ: «Kɔ Safan i wa Asikam i wa liɛ Gɛdalia bɔ Babilɔni famiɛn'n fɛ i sieli Zida klɔ'm be su'n i sin. A nin i nin Zidafuɛ'm be `tran lɔ. Annzɛ lika kwlaa nga ɔ waan a ´kɔ'n, kɔ.» Nan gladi difuɛ kpɛn'n ɔ'a mɛn i aliɛ nan ɔ'a cɛ i ninnge mun, yɛ ɔ mɛnnin i atin ɔ ɔli-ɔ.

Zeremi 40:5 ပူးပေါင်းရင်းမြစ်များ

2 Famiɛn Mun 22:12

I sin ɔ flɛli Ilkiza b'ɔ ti Nyanmiɛn nyrun jranfuɛ'n, nin Safan i wa Asikam nin Mise i wa Akbɔr, ɔ nin Safan b'ɔ ti fluwa klɛfuɛ'n, ɔ nin Azaza b'ɔ ti i sufuɛ'm be nun kun'n. Ɔ seli be kɛ:

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

2 Be Nyoliɛ 34:20

I sin ɔ flɛli Ilkiza, nin Safan wa Asikam, nin Mise wa Abdɔn, nin Safan b'ɔ ti fluwa klɛfuɛ'n, ɔ nin Azaza b'ɔ ti i bɔbɔ i sufuɛ'n. Ɔ seli be kɛ:

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Neemi 1:11

Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.

Zɔb I Nyrɛnnɛn Wunlɛ 22:29

Nyanmiɛn man wun tufuɛ'm be like nga be siesie kɛ be ´yo'n, ɔ kpi ase. Sanngɛ ɔ uka be nga be kan bé wun ase'n.

Nyanndra Mun 16:7

Sɛ Anannganman klo sran kun nantilɛ'n, sɛ ɔ wie i kpɔfuɛ mun bɔbɔ o, ɔ siesie i nin be be afiɛn.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Zeremi 15:11

Sɛ m'an nian-man nun m'an su-man wɔ'n, yɛ kɛ nyrɛnnɛn blɛ'n juli'n, kɛ sa'n nyannin be'n, sɛ m'an srɛ-man bé ti'n, wuun man like nga be fa sunnzun mín wun'n ɔ yo su .

Zeremi 26:24

Safan i wa Asikam li yɛ ɔ sasali Zeremi yɛ man b'a fɛ-mɛn i b'a man-man sran'm be kɛ be `kun i-ɔ.

Zeremi 39:14

be sunmannin sran ko fali Zeremi gladi awlo'n nun lɔ, be fɛli i mannin Safan i wa Asikam i klun ba liɛ Gɛdalia kɛ ɔ `fɛ i fa ɔ i awlo. Ɔ man Zeremi nin klɔ'n nunfuɛ mun yɛ be trannin lɛ-ɔ.

Zeremi 40:4

Ndɛ'n, jrɔkɔ ng'ɔ o ɔ́ sa'n yɛ n su wa yi i yɛ. Sɛ ɔ klun klo su kɛ a nin min ´kɔ Babilɔni'n, e wɔ. N ´nian wɔ lika. Sɛ kusu kɔlɛ yo-man wɔ fɛ'n, ngasi nun-man nun. Lika'n yɛ ɔ nannan yɛ, kan a klo kɛ a ´kɔ'n, kɔ.»

Zeremi 41:1

Anglo nso su'n, Elisama i wa Nɛtania i klun ba Ismaɛl b'ɔ ti famiɛn i osufuɛ'n b'ɔ ti i awlo'n lɔ sran dandan'm be nun kun'n, ɔ nin sran blu be wa toli Asikam i wa Gɛdalia Mizpa lɛ. Be nin Gɛdalia be dili like.

Zeremi 41:18

Afin srɛ kun be Babilɔnifuɛ'm bé wun. Kɛ ɔ fin cɛn bɔ Ismaɛl kunnin Gɛdalia bɔ Babilɔni famiɛn'n fɛ i sieli i mɛn'n su'n, srɛ kunnin be Babilɔnifuɛ'm bé wun.

Zeremi 41:2

Kpɛkuun yɛ Ismaɛl nin i sran blu mun be jasoli be wɔli i kue be kunnin i-ɔ. Nian sran bɔ Babilɔni famiɛn'n ɔ'a fɛ i ɔ'a sie i mɛn'n su'n yɛ Ismaɛl kunnin i-ɔ.

Sa nga bé yôli'n 27:3

Kɛ aliɛ cɛnnin'n, e juli Sidɔn. Ziliis yoli Pɔl kpa, ɔ mɛnnin i atin kɛ ɔ wɔ i janvuɛ'm bé wun man be mɛn i like ng'ɔ miɛn i sa'n.

Sa nga bé yôli'n 27:43

Sanngɛ kɛ sonja ya su kpɛn'n klo kɛ ɔ ´de Pɔl'n ti, ɔ'a kplin-man su kɛ be kun be. Yɛ ɔ seli be nga be si nzue wɛ'm be kɛ be dun mmua tɔ nzue'n nun ɔ cenje'n su lɔ,

Sa nga bé yôli'n 28:10

Be dili e nɛnnɛn dan kpa, kɛ e tu é bo lɛ e ´kɔ'n, be mannin ye like ng'ɔ ko mian ye'n.

Hébreu 13:6

I sɔ'n ti, e tra e anwlɛn e kan ndɛ nga be klɛli i kɛ: «E Min Nyanmiɛn'n yɛ ɔ ti n ukafuɛ-ɔ, srɛ kun-man min. ?Nzu yɛ sran kwla yo min-ɔn ?»