Zeremi 40:15 - NYANMIƐN NDƐ'N 1998

¹⁵ Zosanan bɔbɔ ɔ fia wa toli Gɛdalia Mizpa lɔ, nan ɔ'a se i kɛ: «Jran man n ko kun Ismaɛl sɔ'n ke! N ´kun i sa bɔ sran fi su si-man kɛ wɔ yɛ man be kunnin i-ɔ. Ɔ'a yo-man sɔ-ɔ, ɔ wa kun wɔ sa sɔ ngbɛn kpɛkuun Zidafuɛ nga be o ɔ wun wa yɛ'n be kwlaa be wa bo be sanndi ekun, ɔ man Zida mɛn'n ´mlin.»

Zeremi 40:15 ပူးပေါင်းရင်းမြစ်များ

2 Samiɛl 18:3

Yɛ be tɛli i su kɛ: «Nán kɔ alɛ kunlɛ'n wie, afin e liɛ sɛ e wanndi be nyrun'n, ɔ ti-man be ndɛ. Sɛ e bue kun wu, ɔ ti-man be ndɛ, sanngɛ ɔ liɛ'n, a nin e nun sran akpi blu (10.000) sɛ. Ɔ man sɛ a ka klɔ nun wa'n, a kwla uka e kasiɛn.»

2 Samiɛl 21:17

sanngɛ Zɛriza i wa Abisai ɔ ukali David nan ɔ'a kun Filistifuɛ'n. David i sran'm be seli David kɛ: «Kɛ ɔ fin ndɛ'n, nán a nin ye wɔ alɛ kunlɛ kun. Ɔ'a yo-man sɔ'n, a ´yo man Izraɛl i sin'n ´nuan ngbɛn.»

Zɔb I Nyrɛnnɛn Wunlɛ 31:31

Be nga e nin be tran'n be si kɛ sran nga ɔ'a di-man nnɛn nga n fa man'n i wie'n, ɔ nun-man lɛ.

Zeremi 40:8

Yɛ be wa to Gɛdalia Mizpa lɛ-ɔ. Sonja kpɛnngbɛn nga be bali sɔ mun yɛlɛ: Nɛtania i wa Ismaɛl, nin Kareak i wa nnyɔn'n: Zosanan yɛ Zonatan, nin Tanimɛt i wa Sɛraza, nin Efai b'ɔ fin Nɛtofa'n i mma mun, ɔ nin Zɛzania b'ɔ ti Maakafuɛ'n.

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Jean 11:50

?An bu-mɛn i akunndan kɛ sɛ sran'm be ti sran kun wu'n, ɔ ti kpa tra kɛ nvle wunmuan'n saci'n?»

1 Samiɛl 24:4

Sail nin i sran'm be sinnin bua'm be lawlɛ ng'ɔ o atin nuan lɛ'n wun lɛ. Sail wunnin yɛbuɛ buɛ kun kpɛkuun ɔ ɔli atrun lɛ, kannzu David nin i sran'm be o yɛbuɛ buɛ sɔ'n i kɔtɔka'n nun lɔ.

1 Samiɛl 26:8

Abisai seli David kɛ: «Nyanmiɛn ɔ'a fa ɔ kpɔfuɛ'n ɔ'a wla ɔ́ sa nun ndɛ. Jran, n ´fa n cua'n kplɛn i ti'n nun ɔ ´bo nun asiɛ wun. N ´fa kplɛn i ti nun kpɛ kunngba cɛ, kpɛkuun ɔ'a wie.»