Zeremi 40:11 - NYANMIƐN NDƐ'N 1998

¹¹ Zidafuɛ nga be tran Moab, nin Amɔnfuɛ mun, nin Edɔmfuɛ'm be mɛn'n nun'n, be kusu be tili i kɛ Babilɔni famiɛn'n yacili sran'm be wie Zida mɛn'n nun nan ɔ fali Safan i wa Asikam i wa liɛ Gɛdalia fa sieli be su.

Zeremi 40:11 ပူးပေါင်းရင်းမြစ်များ

Bo Bolɛ 36:8

Kɛ Ezau i Seir oka'n su tranlɛ'n yoli sa. Ezau kunngba'n yɛ be flɛ i kɛ Edɔm nin-ɔn.

Ezai 11:14

Bé bo ´yo kun, be ´tɔ Filistifuɛ mun bɔ be o wia atɔliɛ lɔ'n bé su. Yɛ be ´fɛn be nga be o wia afiliɛ lɔ'n bé bo ninnge mun. Bé sa ´kan Edɔmfuɛ mun nin Moabfuɛ mun. Yɛ Amɔnfuɛ'm be ´yo be kanga.

Ezai 16:4

Amun `kplin su kɛ e sran nga mianlɛ ti be su kunndɛ lika be tran nun'n be `nyan kisawlɛ amún wun lɛ. Amun `sasa be sran ng'ɔ saci like'n i lika. Kɛ sran'm be mianlɛ bɔ be mian be'n ko wie'n, kɛ sran'm be bo ninnge fɛnlɛ'n ko wie'n, kɛ sran b'ɔ tin sran'm be su kplɔlɔlɔ'n ɔ ko tu mɛn'n nun'n,

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 41:10

Kɛ ɔ yoli sɔ'n, Ismaɛl trali sran nga be o Mizpa lɛ'n be kwlaa ɔli. Ɔ fali famiɛn i mma mmla mun, ɔ nin be kwlaa nga Nɛbizaradan b'ɔ ti gladifuɛ'm be kpɛn'n fali be wlali Gɛdalia i sa nun'n mun ekun. I sin Ismaɛl fali sran sɔ mun sinnin Amɔnfuɛ'm be lɔ ɔli.

Zeremi 43:5

Zosanan nin sonja akpasua su kpɛnngbɛn'm be fali Zidafuɛ nga be kali lɛ mun ɔli. Be kwlaa sɔ'n yɛ be bo sanndili lika'm be nun yɛ be sali bé sin bali Zida mɛn'n nun tranlɛ nin-ɔn.

Zeremi 43:6

Bla mun o, yasua mun o, famiɛn'n i mma bla mun o, sran nga Nɛbizaradan b'ɔ ti gladi difuɛ'm be kpɛnngbɛn yacili be Safan i wa Asikam i wa liɛ Gɛdalia sa nun'n, be fali be ngba ɔli. Be fali Zeremi nin Neriza i wa Barik ɔli wie.

Ezekiɛl 25:12

«Anannganman Nyanmiɛn wan yoo: ‹Edɔmfuɛ'm bé tuli be klunngbɔ Zida nvle'n su tɛtɛ kpa, lɛ'n yɛ ɔ kle kɛ be yoli tɛ nin-ɔn.

Ezekiɛl 25:2

«Klɔ sran, kpɛ ɔ́ nyin Amɔnfuɛ'm be su lɔ, nan kan sa ng'ɔ wa ju be su'n man min.

Ezekiɛl 25:6

Afin Anannganman Nyanmiɛn'n wan yoo: Amun boli ndɛ, amun tu kpɛnnin, amun klun jɔli blɛ bɔ nyrɛnnɛn tɔli Izraɛl mɛn'n i su'n. Amun yoli min nvle i finfin yɛ amun yoli i tɛtɛ.

Ezekiɛl 25:8

«Anannganman Nyanmiɛn wan yoo: ‹Moabfuɛ nin Seirfuɛ'm be seli kɛ: Amun `nian Zidafuɛ'm be nvle'n, ɔ ti kɛ nvle kun'm be sa.

Ezekiɛl 34:6

Min bua'm b'a bo b'a sanndi oka mun nin kpɔlɛ fleiin'm be su. Min bua'm b'a sanndi sa gbee mɛn wunmuan'n nun. Sran fi a nian-man be lika, sran fi a kunndɛ-man be .

Ezekiɛl 35:15

Afin kɛ Izraɛl b'ɔ ti min nvle'n ɔ sacili'n, ɔ klun jɔli. I sɔ'n ti'n, n ´yo man sa kunngba sɔ'n ɔ ´ju ɔ su wie. Ɔ oka mun nin ɔ mɛn wunmuan'n be ´saci mlɔnmlɔn. Yɛ sran'm be kwlaa be ´si kɛ min yɛ n ti Anannganman Nyanmiɛn nin-ɔn.»

Ezekiɛl 35:5

A yaci-man Izraɛlfuɛ'm be kpɔlɛ. Kɛ be kwlali be'n, blɛ bɔ be waan be ´jran be nzuɛn tɛtɛ'n, yɛ a fali alɛ'n yili be su-ɔ.

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Ezekiɛl 5:3

Ɔ ti ndrɛ sɔ'n, fɛ i nun kaan sa fa wlawla ɔ tralɛ'n i nuan'n su.

Kalɛ 22:1

Izraɛlfuɛ'm be ɔli be ko kpɛli be ngblaliɛ Moab i lika kpɛtɛkplɛɛ'n nun. Be kpɛli i Zurdɛn nzue ba'n i bue kun ng'ɔ o wia afiliɛ lɔ'n Zeriko klɔ'n i nyrun ndɛnman su lɛ.

Kalɛ 25:1

Izraɛlfuɛ'm be trannin Sitim lɛ, be nin Moab bla'm be trannin tekle bolɛ'n nun.

Kalɛ 25:2

Bla sɔ'm be yoli man Izraɛlfuɛ'm be sɔli be amuɛn mun. Be dili be amuɛn su aliɛ'n wie, yɛ be kotoli be amuɛn sɔ'm be bo, be suli be.

1 Samiɛl 11:1

Nasas b'ɔ ti Amɔnfuɛ'm be famiɛn'n ɔ wa boli i nanmue Galaad klɔ nga be flɛ i Zabɛs'n i wun lɛ. Yɛ Zabɛsfuɛ'm be kwlakwla be seli i kɛ: «Man e tra aenguɛ. Sɛ e nin wɔ e tra aenguɛ'n, e ´su wɔ.»

1 Samiɛl 12:12

Sanngɛ kɛ amun wunnin kɛ Nasas b'ɔ ti Amɔnfuɛ'm be famiɛn'n ɔ nin amun bali alɛ kunlɛ'n, kpɛkuun amun waan: ‹Man e famiɛn kun man ɔ sie ye.› Kusu wuun Anannganman bɔbɔ ti amun famiɛn.