Zeremi 40:1 - NYANMIƐN NDƐ'N 1998

¹ Kɛ Nɛbizaradan b'ɔ ti gladi difuɛ kpɛn'n man Zeremi ɔli Rama'n, i sin Anannganman kannin ndɛ kleli Zeremi. Kɛ be ´ko fa Zeremi'n, wuun jrɔkɔ o i sa, ɔ o Zerizalɛmfuɛ mun nin Zidafuɛ nga be ´fa be kɔ Babilɔni'n be nun.

Zeremi 40:1 ပူးပေါင်းရင်းမြစ်များ

2 Be Nyoliɛ 16:1

Kɛ Aza yoli famiɛn'n, i afuɛ ablasan-nin-nsiɛn su'n, cɛn kun Baɛsa b'ɔ ti Izraɛl famiɛn'n bali Zida mɛn'n su tɔlɛ. Ɔ sili Rama klɔ'n wun talɛ kekleke kpa kɛ ɔ ´yo nan Aza nin Zidafuɛ'm b'a kwla sin-man lɛ bue'n su ti.

Jue Mun 107:16

Afin ɔ sacili aaba anuan mun, ɔ bubuli anuan'm be nun gboklo'm bɔ be fa blalɛ be yoli'n be nun.

Jue Mun 68:6

Nyanmiɛn o i tranwlɛ'n nun lɔ, ɔ ti aika'm bé si, ɔ ti angboti bla'm bé sin jranfuɛ.

Zeremi 31:15

Anannganman'n wan yoo: «Kpanlɛ nin sunlɛ, ɔ nin awuyomo tɛ Rama lɔ. Rasɛl yɛ ɔ su sun i mma mun-ɔn. Ɔ kpli-man su kɛ be kpɛtɛ i, yɛlɛ kɛ i mma'm be nun-man lɛ kun .»

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Zeremi 42:7

Kɛ ɔ yoli sɔ'n, cɛn ngwlan sinnin, i le blu'n su'n, Anannganman tɛli Zeremi su.

Ezekiɛl 33:21

Kɛ be trali ye lomuɛn'n, i afuɛ blu-nin-kun su'n, anglo blu su'n i cɛn ba nnun su'n, sran kun bɔ kɛ be utuli Zerizalɛm klɔ'n ɔ fiteli nun'n, ɔ wa seli min kɛ: «Klɔ'n ɔ'a bo!»

Sa nga bé yôli'n 21:13

Yɛ Pɔl seli be kɛ: «?Nguɛ ti yɛ an sun man min wun yo nin nyɛiin sɔ-ɔ? N si sɔ, nán kɛ cilɛ ngunmin yɛ be ´ci min-ɔn, sanngɛ sɛ be kun min bɔbɔ e Min Jésus ti Zerizalɛm lɔ'n, ɔ ti-man sa.»

Sa nga bé yôli'n 28:20

Sa sɔ'n ti yɛ min waan n ´wun amún wun nan n ´kan kle amun-ɔn, afin like nga Izraɛlfuɛ'm bé wla o su'n i ti yɛ be fa jrɔkɔ ng'ɔ o yɛ'n cili min-ɔn.»

Efɛzfuɛ Mun 6:20

afin jasin fɛ sɔ'n ti yɛ n ti Nyanmiɛn i ja nun jranfuɛ bɔ be ci min nin jrɔkɔ nga-a. I sɔ'n ti'n, an `srɛ Nyanmiɛn kɛ ɔ man n `kan ndɛ sɔ'n yasua su kɛ n kan-an ɔ ti su'n sa.

Zozie 18:25

Klɔ dandan sɔ'n wie yɛlɛ Gabaɔn, Rama, Beerɔt,

1 Samiɛl 7:17

kpɛkuun ɔ sɛ i sin Rama. Lɔ yɛ ɔ tran-an. Lɔ yɛ ɔ o yɛ ɔ sie Izraɛl nvle nin-ɔn. Ɔ kplannin Nyanmiɛn sɔwlɛ kun lɛ mannin Anannganman.