Zeremi 4:8 - NYANMIƐN NDƐ'N 1998

⁸ I ti-ɔ, an `wla bajɛ tralɛ. An `sun, an `man sunlɛ jue'n su, afin é wun ya dan bɔ Anannganman fali'n, ɔ nian wie-mɛn i klun.

Zeremi 4:8 ပူးပေါင်းရင်းမြစ်များ

Jue Mun 78:49

I agualiɛ su'n, Nyanmiɛn fali ya dan kpa Eziptfuɛ'm bé wun, i ya sɔ'n ɔ'a yo-man blɛblɛ. Ɔ fali nyrɛnnɛn yili bé su. Ɔ yoli man anz wlɛfuɛ kpanngban kpa be wa wluli be nun.

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 13:6

Amun `bo awuyomo, afin Anannganman i cɛn'n ɔ'a mantan koko. Ɔ ´ba kɛ Anannganman b'ɔ kwla like'n kwlaa yo'n i like b'ɔ saci like'n kwlaa'n sa .

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 32:11

Amun bla mun bɔ amun bu i kɛ amu'an nyan amun ti'n, man srɛ kun amun. Amun bla mun bɔ amun fa amun wla gua amun bɔbɔ su'n, amun `usu. Amun `yi amún wun tralɛ'n gua, amun `kpa amún wun, amun `fa tannin b'ɔ ti sɛ nzɔliɛ like'n `ci amun afiɛn.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 25:34

Izraɛl su kpɛn mun, an `sun, an `kpan. Min nvle'n i su nianfuɛ mun, an `la kondo. Amun kɔmin kpɛlɛ liɛ'n ɔ'a ju. Be wa kun amun kɛ be fa kun bua nene kpakpa mun'n sa.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 48:20

Be ´tɛ amun su kɛ: ‹Moab i nyin utuli ase, i liɛ wieli. Amun `sun, amun `bo awuyomo. Amun `wɔ Arnɔn nzue ba'n nuan lɔ be ko se kɛ Moab ɔ'a nunnun.›

Zeremi 6:26

«Min sran mun, an `wla bajɛ tralɛ. An `la kondo ndutre nun. An `yo sɛ kɛ amun wa klikli'n ɔ'a wu sa. An `to sɛ jue ng'ɔ kle sunlɛ kpa'n, yɛlɛ kɛ like sacifuɛ'n su wa fu amun nun ɔ ´tɔ amun su.»

Ngwlɛ Yilɛ 1:12

Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ezekiɛl 21:12

Kɛ be ´usa wɔ kɛ: ‹?Ɔ yo sɛ ti yɛ a kplin-ɔn?› Tɛ be su kɛ: ‹Yɛlɛ kɛ ndɛ kun su ba, sran'm be kwlaa be anwlɛn'n ɔ wa kpɔtɔ be klun. Sran'm be kwlaa bé sa'm be ´glɔ be wun, sran'm be su nyan-man anwlɛn kun. Bé ja nannglunman'm be ´sisi be wiengu. Yɛ ɔ ba lɛ-ɔ, ɔ'a ba!› » Anannganman Nyanmiɛn'n yɛ ɔ kan sɔ-ɔ.

Ezekiɛl 30:2

«Klɔ sran, kan sa nga be wa ju'n mun. Se kɛ ndɛ nga min Anannganman Nyanmiɛn n kan'n yɛ: ‹Amun `bo awuyomo! Ee nguɛ cɛn yɛlɛ nga!

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Mise 1:16

Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»