Zeremi 4:4 - NYANMIƐN NDƐ'N 1998

⁴ An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 4:4 ပူးပေါင်းရင်းမြစ်များ

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

Ezai 10:17

Izraɛl'n i kpajalɛ b'ɔ kpaja'n ɔ ´kaci sin, yɛ i Nyanmiɛn'n ɔ ´yo kɛ sin taaman sa, ɔ wa sɔ, ɔ ´yra susrɛ mun nin owie mun, ɔ ´yra be cɛn kunngba lekeleke.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Zeremi 15:14

N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n, ɔ wa yra amun.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 21:5

M bɔbɔ min yɛ e nin amun e ´kun-ɔn. E nin amun e ´kun kekle kpa. N ´nian amún wun ya dan nga m'an fa'n su yɛ e nin amun e ´kun-ɔn.

Zeremi 23:19

Anannganman ɔ'a fa ya kekle kpa, i ya'n ɔ ti kɛ aunngban dan sa. Aunngban dan sɔ'n ɔ kpɛ sin sa tɛ yofuɛ'm bé ti su.

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 9:25

sran sɔ mun be yɛ: Eziptfuɛ mun, Zidafuɛ mun, Edɔmfuɛ mun, Amɔnfuɛ mun, Moabfuɛ mun, ɔ nin aawlɛ flɛnnɛn'n nun lɔfuɛ bɔ akanza yilɛ'n ti be nzuɛn'n mun, afin nvle nga be o lɛ'n be wie fi wla-man klɛn. Izraɛlfuɛ'm be kusu sɛ e ´kwla se'n, b'a wla-man be anwlɛn'n i klɛn.»

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 16:38

Fɔ nga be fa tu bla nga be kunndɛ bian bé wun bo'n, nin nga be gua mmoja ase'n yɛ n ´fa tu wɔ-ɔ. Ɔ wunnɛn'n kwlaa ɔ ´yo mmoja, afin n ´fa ya, yɛ n ´tu min klunngbɔ'n ɔ su .

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Ezekiɛl 20:33

Anannganman Nyanmiɛn wan yoo: Min nyin o su, min kwlalɛ bɔ n kwla'n yɛ n fa yo min ninnge mun-ɔn. N wa fa min ya dan'n n gua amun su, wafa nga n ´fa sie amun'n yɛ ɔ o lɛ-ɔ.

Ezekiɛl 21:17

Klɔ sran, kpankpan nan la kondo. Afin b'a cuɛn tokofi'n min sran'm be wun, yɛ be b'a cuɛn i Izraɛl kpɛnngbɛn'm be kwlaa bé wun. Be nin min nvle'n be ´tɔ. I sɔ'n ti, fin ɔ wue'n nun awlaboɛ'n ti.

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Ezekiɛl 24:8

Yɛ n kusu n ´yaci mmoja sɔ'n yɛbuɛ bɔ like fi nun-man su'n i su lɛ, i liɛ'n ɔ fia-man. I liɛ'n, ɔ ´kun min ya. Kpɛkuun n su tu n klunngbɔ.›

Ezekiɛl 44:7

Blɛ bɔ amun ´fa kpaun nin nnɛn lui, ɔ nin nnɛn mmoja be fa blɛ min'n, amun fali aofuɛ bɔ be ti-man min sran'n, bɔ be nian wla-man be klɛn be anwlɛn'n nun nin be wunnɛn'n su'n wluli min sua'n nun wa. Be yoli min sua'n i fiɛn. Amu'an fa tete sa sɔ mun b'a saci aenguɛ nga e nin amun e trali'n.

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Saun Yolɛ 26:41

Be ´wun sa ti bɔ n kacili mín sin n sili be'n, ɔ nin sa ti bɔ n kannin bé bo n ko guali be be kpɔfuɛ'm be nvle liɛ'n nun lɔ'n. Nyin kekle ajalɛ nga be tuli'n, be ´wun kɛ nɛ́n i-ɔ. Be ´koko be sa tɛ'n bɔ be yoli'n i ti, yɛ be sa tɛ sɔ'n i su sa'n, be ´kplin su kɛ be ´sua.

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Rɔmfuɛ Mun 2:25

Nanwlɛ, sɛ an fa mmla'n su'n, klɛn wlalɛ'n ti kpa, sanngɛ sɛ an fa-man su'n, klɛn wlalɛ'n yo-man sa fi ye.

Mmla'n 10:16

Ɔ man i ti'n, amun `fa amun wun mɛn i mlɔnmlɔn. Nán amun yo nyin kekle i su kun.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

Kolɔsfuɛ Mun 2:11

Sran wunmuan bɔ amun nin i a kaci'n ti, b'a wla amun klɛn, amun klɛn liɛ sɔ'n, nán sran yɛ ɔ wlali-ɔ, sanngɛ ɔ fin Krist bɔbɔ, i bo kle kɛ amun nin sa tɛ'n b'a bu.