Zeremi 4:31 - NYANMIƐN NDƐ'N 1998

³¹ N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 4:31 ပူးပေါင်းရင်းမြစ်များ

Bo Bolɛ 27:46

Yɛ Rebeka seli Izaak kɛ: «Ɛt bla'm be liɛ'n ɔ'a flan min. Sɛ Zakɔb ja Ɛt bla kɛ nga be o yɛ'm be sa'n, wuun be flɛ kɛ n liɛ'n a wie.»

Zɔb I Nyrɛnnɛn Wunlɛ 10:1

Nguan'n i nun tranlɛ ɔ'a flan min! I ti sa ng'ɔ yo-man min fɛ'n, n ´kan. Klunngbɔ ng'ɔ o min klun lɔ'n ti, m muan-man min nuan.

Jue Mun 120:5

Tranwlɛ nga n tran Mesɛk yɛ'n, m'an wun min nyrun o! Kedarfuɛ'm be afiɛn nga n trɛn i yɛ'n, m'an wun min nyrun wie!

Ezai 1:15

Kɛ amun man amún sa'm be su kɛ amun ´srɛ min'n, n kata min nyin kɛ ɔ ´yo nan m'an wun-man amun'n ti. Sɛ amun srɛ min bɔ lele'n, ɔ ti ngbɛn. N su sie-man min su. Afin sran'm be mmoja ase gualɛ'n yɛ ɔ ti amun junman-an.

Ezai 13:8

Srɛ'n ɔ'a kun be kpo. Be wunnɛn'n ɔ'a yo be sa zizrizi, bé kplo'n nun yo be ya, be kluklu kɛ bla bɔ ɔ'a koto awuliɛ'n sa. Be nian be wiengu siin, srɛ kun be, bé nyrun'n ɔ'a kpa fuaii.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 26:17

Anannganman, kɛ bla wunnzɛfuɛ bɔ ɔ'a koto awuliɛ'n ɔ kpan'n, kɛ ɔ wun nyrɛnnɛn'n, i kunngba nin-ɔn, i nun bɔ e o ɔ́ wun mmua'n kɛ e ti sɔ-ɔ.

Ezai 42:14

M'an muan mín nuan wie pɛ, n ijɔ-man, n kan-man ndɛ, n kplin kɛ bla bɔ ɔ'a koto awuliɛ'n sa. Min wunmiɛn'n kpu mín wun, yɛ n de wunmiɛn fofaa-fofaa.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Zeremi 10:19

«Ee! Nian kannin bɔ ɔ'a tu min-ɔn! Nga wu-ɔ ɔ yo-man ye. Min bɔ n waan: ‹Min afɛ'n ti-man dan sɔ nan n suɛn i bo-ɔ ɔ yo ye'n,

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 30:6

Amun `usa-usa be nian, sɛ yasua ɔ'a cinnjin ɔ'a wu ba le o. ?Yɛ wuun ɔ yo sɛ ti yɛ yasua'm be lɛ be wi'n nun kɛ wunnzɛfuɛ bɔ ba wulɛ ɔ'a to i sa nin-ɔn? ?Ɔ yo sɛ ti yɛ be nyrun'n wa yo sukusuku sɔ-ɔ?

Zeremi 45:2

«Anannganman, Izraɛl Nyanmiɛn'n waan n `se wɔ kɛ yoo:

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 49:22

Like'n ɔ'a trɛtrɛ i ndɛwa'n nun kɛ anunman nyin sa ɔ su tu sin Bɔzra lika'n su. I le kun sɔ nun'n, Edɔm lɔ sonja'm be nun kpakpa'm be anwlɛn'n ɔ ´si kpukpukpu kɛ wunnzɛfuɛ wie bɔ i klun su yo i ya'n sa.»

Zeremi 49:24

Damasfuɛ mun be tra be anwlɛn-ɔn ɔ tra-man kun. B'a kaci bé ja sin be o wanndilɛ. Bé wun'n usu-man be ngowa. Be anwlɛn'n si kpukpukpu kɛ wunnzɛfuɛ bɔ i ku nun su yo i ya'n sa.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 6:2

Siɔn b'ɔ ti klanman, b'ɔ klo i wun siesielɛ'n, m'an yo man ɔ si-man wie se kun.

Ngwlɛ Yilɛ 1:17

Siɔn tinngɛli i sa, sran fi ɔ'a sɔ-man nun nan se kɛ ɔ ´fɔnvɔ i. Anannganman seli nvle nga be mantan Izraɛlfuɛ'm be lɛ'n kɛ be nin be be `nyɛn i. Zerizalɛm i wun yo nvle kun nga'm be tɛ siɛn'n.

Ngwlɛ Yilɛ 1:20

Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ngwlɛ Yilɛ 2:21

Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ndɛ Nga Nyanmiɛn I Nuan Ijɔfuɛ Oze Kannin'n 13:13

Nyrɛnnɛn b'ɔ ti kɛ wunnzɛfuɛ bɔ ɔ'a koto awuliɛ'n i aklunya sa'n, ´tɔ i su'n. Ɔ ´yo kɛ wunnzɛfuɛ wie bɔ sɛ i ba wulɛ ju-ɔ, ba'n i sinnzin ti ɔ kle i yalɛ bɔ nán balɛ yɛ ɔ kɔ ba'n sa.

Mise 4:10

Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Mise 4:9

?Izraɛlfuɛ mun, onin yɛlɛ awuyomo nga amun bo i yɛ'n? ?Famiɛn nun-man amun su kun ti-ɔ? ?Nguɛ ti yɛ amun kpita bé wun ase kɛ bla wie bɔ awuliɛ ɔ'a to i sa nin-ɔn? ?Amun ngwlɛlɛ klefuɛ mun b'a wie wu ti-ɔ?

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Matthieu 21:5

«Se Siɔn wa bla'n kɛ: Nian, ɔ famiɛn'n su ba ɔ sin. Ɔ ti wɛtɛɛfuɛ dan kpa, ɔ fu aflunmun su, ɔ fu aflunmun b'ɔ ti nnɛn b'ɔ sua trɔ'n i wa bɔ ɔ'a kpɛ cro'n i su .»

1 Korɛntfuɛ Mun 9:16

Jasin fɛ'n i kanlɛ'n ti-man like bɔ n fa manman min wun-ɔn, afin be sieli n kɛ n kan, ɔ man sɛ n kan-man'n, min wun jɔ-man min.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.