Zeremi 4:30 - NYANMIƐN NDƐ'N 1998

³⁰ ?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Zeremi 4:30 ပူးပေါင်းရင်းမြစ်များ

2 Famiɛn Mun 9:30

Zei sɛli i sin bali Zizreɛl. Kɛ Zezabɛl tili i kɛ Zei ɔ'a ju lɛ'n, ɔ fali like jɛli i nyin sin ndrɛ'n su klanman kpa, ɔ dili talua kpa. Kpɛkuun ɔ wa jrannin fenɛtri'n nun.

Nyanndra Mun 6:25

Nán niɛn i klanman'n ti klo i nan `wu i ti. Nán tran lɛ nan ɔ fɛ i nyinma'n laka wɔ.

Nyanndra Mun 7:10

Yɛ bla'n ´fa ijɔlɛ'n wɔ i-ɔ. Bla sɔ'n i tralɛ wlawlɛ su'n, ɔ fa tekle bla. Yɛ kusu ɔ si gblɛ'n kpɛ kpa.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 20:6

I blɛ sɔ nun'n, be nga be tran jenvie'n i bue nga su wa'n be ´se kɛ: «Be nga e fa é wla gua be su'n, bɔ e waan e ´fa é nyin e ´fia be sin nan be uka ye'n, nan be `de ye Asiri famiɛn'n i sa nun'n, be `nian sa bɔ ɔ'a ju be su-ɔ. ?Yɛ e ´yo i sɛ siɛn'n nan y'a fite nun?»

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ngwlɛ Yilɛ 1:19

N flɛli be nga laa be klo min'n lele ngbɛn. B'a yi min ase. Min Nyanmiɛn nyrun jranfuɛ mun nin min afɔtuɛ manfuɛ mun bɔ be ´kunndɛ aliɛ be ´di nan b'a nyan wunmiɛn kan'n, be wuli klɔ nun.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ezekiɛl 28:13

A trannin Edɛni b'ɔ ti Nyanmiɛn i fie'n i nun, yɛ yɛbuɛ kpakpa'n kwlaa sin yiali wɔ: ribi, topaz, diaman, krizoliti, kornalin, zasp, safir, grenat, emɛrɔd. Like nga a wlali be'n be ti sika ɔkwlɛ. Kɛ be yili wɔ cɛ'n yɛ be siesieli be-ɔ .

Ezekiɛl 28:9

?Sran ng'ɔ su ba ɔ kunlɛ'n, a kwla ´se i ekun kɛ a ti kɛ Nyanmiɛn sa? A wa ka sran su sa titi, a su yo-man kɛ Nyanmiɛn'n sa le sran nga b'ɔ kun wɔ'n i sa bo.

Abdias 1:7

Be nga amun nin bé bo ti kun laa bɔ amun kun alɛ'n, b'a kankan amún bo mɛn'n nun b'a fite. Amun janvuɛ'm b'a laka amun b'a kwla amun. Be nga amun nin be wla asa'n, b'a sua amún wun aya. Kpɛkuun nga be kɛn i siɛn'n yɛlɛ kɛ: ‹Nga'm be wun-man sa wlɛ kun.›

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Sa nglô yile 17:13

Be blu sɔ'n be akunndan'n ti kun, be sielɛ bɔ be sie'n, nin be kwlalɛ bɔ be kwla'n be ´yaci be man nnɛn'n, ɔ ´sie, ɔ ´kwla.

Sa nglô yile 17:2

I yɛ asiɛ'n su famiɛn'm be nin i be lali nin-ɔn, i yɛ asiɛ'n sufuɛ'm be nɔnnin i nzan'n lele be boli nin-ɔn. I nzan sɔ'n yɛlɛ i tekle bolɛ'n .»

Sa nglô yile 17:4

Bla sɔ'n kla tannin bɔ ti ɔkwlɛ kankankan, nin tannin ɔkwlɛ youun. Sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa be o i wun. Sika klowa o i sa nun. I tekle bolɛ like kainkain bɔ be ti tɛtɛ kpa'n ɔ'a yi i .