Zeremi 4:28 - NYANMIƐN NDƐ'N 1998

²⁸ Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 4:28 ပူးပေါင်းရင်းမြစ်များ

Ezai 24:4

«Asiɛ'n sufuɛ'm be o sɛ nun, mɛn'n i nunfuɛ'm b'a fɛ, b'a yo koklo, sran dandan nga be o asiɛ'n su'n b'a yo sa kokloo.»

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Ezai 50:3

N yo man nyanmiɛn'n su dun tuun, yɛ sɛ ɔ ti sran'n, wuun n ´se kɛ n wlɛ i wun bajɛ tralɛ.»

Zeremi 12:11

Ɔ man ɔ'a kaci kɛ aawlɛ flɛnnɛn sa. Ɔ'a yo kɛ sran bɔ sɛ ɔ'a tɔ i su'n sa. Kɛ n niɛn sa'n, ɔ'a nunnun mlɔnmlɔn. Mɛn'n ɔ'a saci, sanngɛ ɔ ti-man sran fi ndɛ.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 14:2

«Zida nvle'n wo nyrɛnnɛn nun. I klɔ'm be su saci. Zerizalɛmfuɛ'm be su sun flɛ Nyanmiɛn.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 23:20

Sɛ a ´wun kɛ Anannganman'n i ya'n ɔ ´jɔ'n, wuun sa ng'ɔ guguli kɛ ɔ ´yo'n ɔ'a wie kwlaa yo. Cɛn wie yɛ amun wa wun i wlɛ-ɔ.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 51:12

An `man flanga'n su man be wun kɛ amun su di be klɔ wun talɛ wun junman. Be bɔ be nian amun su'n, man be sɔn. Amun `siesie be sɛsɛsɛ. Amun `sua Babilɔnifuɛ'm be wun aya. Akunndan nga Anannganman fɛli i Babilɔni wun'n, i nuan yialɛ su like yɛ ɔ o lɛ-ɔ.

Zeremi 7:16

«Zeremi, nán srɛ nvle nga nunfuɛ'm be ti kun. Nán sun flɛ min, nán kpata min be dunman nun. Nán bo wɛ, afin n su di-man su.

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ezekiɛl 24:14

M bɔbɔ min Anannganman, min yɛ m'an kan-an, san ɔ ´ju, n ´yo, n su kɔ-man min sin, yɛ n su si-man aunnvuɛ, n su koko-mɛn i sin. Kɛ ɔ nzuɛn'n nin wɔ aeliɛ'n be fa ti'n yɛ be ´fa tu wɔ fɔ-ɔ.» Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Zoɛl 1:10

Fie'm b'a saci, asiɛ'n ɔ'a di amlan, afin be nyan-man ble kun, be nyan-man vinyi mma nzue kun, ngo sɛ'n nun ɔ'a wu kee.

Zakari 8:14

Anannganman b'ɔ sie mɛn wunmuan'n wan yoo: «Kɛ amun nannan'm be kunnin min ya bɔ n guguli kɛ n ´yo amun tɛ'n, m'an yaci m'an cɛ amun.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Matthieu 27:45

Kɛ wia'n jrannin'n, aosin'n wlali mɛn wunmuan'n nun lele fa juli nnɔsua wia nun.

Marc 15:33

Kɛ wia'n jrannin'n, lika'n kwlaa dunnin lele fa juli nnɔsua wia'n nun.

JÉSUS-CHRIST I DYASIN FE'N BO LUC KLELI'N 23:44

Kɛ ɔ ´yo sɔ'n, wuun wia'n su wa jran. Kpɛkuun aosin'n wlali lika'n kwlaa lele fa juli nnɔsua wia nun.

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

Hébreu 7:21

sanngɛ be nga'm be liɛ'n, ɔ'a ta-man nda yɛ be sieli be-ɔ. Sanngɛ Jésus liɛ'n, Nyanmiɛn b'ɔ fɛ i sieli'n, ɔ tali nda yɛ ɔ fɛ i sieli-ɔ, afin ɔ seli kɛ: «E Min'n ɔ'a ta nda, ɔ su kaci-mɛn i akunndan'n, a ti Nyanmiɛn nyrun jranfuɛ bɔ a ´ka lɛ tititi .»

Sa nglô yile 6:12

N niannin lɔ, yɛ n wunnin kɛ Bua Gbanflɛn'n kpɛli like nga be fa cicili fluwa'n i nsiɛn su'n nun. I sin, asiɛ'n kejeli dan kpa, wia'n dunnin tuun kɛ bunnde sa, yɛ anglo'n ɔ bloli youun kɛ mmoja sa .

1 Samiɛl 15:29

Anannganman bɔ i yɛ man Izraɛl nyrun ba nyan'n, ɔ ti-man sran kɛ e sa nan se kɛ ɔ ´kan ndɛ kun kpɛkuun ɔ ´sɛ i sin ´se kɛ nɛ́n i-ɔ.»