Zeremi 4:26 - NYANMIƐN NDƐ'N 1998

²⁶ Mɛn'n bɔ laa lɔ asiɛ'n yo like ye'n, siɛn'n ɔ'a kaci aawlɛ flɛnnɛn. I klɔ'm be ngba b'a wie nunnun Anannganman'n b'ɔ su ba'n ti, Anannganman i ya dan'n ti.

Zeremi 4:26 ပူးပေါင်းရင်းမြစ်များ

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Zeremi 12:13

Be guali ble, sanngɛ like nga be kpɛ'n yɛlɛ owie. Be fɛli lele ngbɛn, be su nyan-man like. Anannganman i ya dan b'ɔ fali'n ti'n like nga amun luali'n i su mma nga amun tili'n ti, man nyannzuɛn ´kun amun.»

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 25:11

Mɛn nga ´nunnun mlɔnmlɔn. Nvle sɔ'm be kwlakwla be nunfuɛ'm be ´su Babilɔni famiɛn'n afuɛ ableso .›

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Ngwlɛ Yilɛ 2:7

E Min'n ɔ'a bu-mɛn i bɔbɔ i sɔwlɛ'n i like kun. I bɔbɔ i tranwlɛ'n, ɔ'a niɛn-mɛn i lika kun. Ɔ fali Siɔn i sua nglanman mun mannin e kpɔfuɛ mun. Kpankpanlɛ nga be fa kpankpan Nyanmiɛn i sua dan nun'n, ɔ ti-man blɛblɛ. A wun i sa-a ɔ waan cɛn yɛ be su di-ɔ.

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .