Zeremi 4:25 - NYANMIƐN NDƐ'N 1998

²⁵ N wun kɛ sran fi nun-man lɛ kun. Anunman bɔ be tu sin'n, b'a wie kɔ.

Zeremi 4:25 ပူးပေါင်းရင်းမြစ်များ

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ezekiɛl 38:20

Yɛ n tali nda ekun kɛ jenvie'n nun jue mun nin anunman'm be ´usu min nyrun sa tututu. Blo nnɛn mun nin nnɛn nga be cuɛn bé wun ase mun, yɛ sran nga be o asiɛ'n su'n be kwlaa be ´usu sa tututu. Oka'm be ´utu. Kpɔlɛ'm bé nuan su'm be ´bu tɔ. Yɛ talɛ'm be ´bu tɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»