Zeremi 4:23 - NYANMIƐN NDƐ'N 1998

²³ Kɛ n nian asiɛ'n, ɔ ti kɛ like fi nun-man su sa. Nglo lɔ'n kusu ɔ kpaja-man kun.

Zeremi 4:23 ပူးပေါင်းရင်းမြစ်များ

Bo Bolɛ 1:2

I blɛ sɔ nun'n, wuun asiɛ'n ti sukusuku, like fi nun-man su, aosin tritri kpa o nzue bunman dan'n i nyin su, yɛ Nyanmiɛn i Wawɛ'n wlan-wlan sin nzue'n i nyin su.

Ezai 13:10

Nglo lɔ nzraama'm be su kpaja-man kun. Kɛ wia'n ɔ fite cɛ'n, kpɛkuun ɔ'a nuan, yɛ anglo'n ɔ su ta-man kun .

Ezai 5:30

I cɛn sɔ nun'n, nganniɛn dan kun ɔ ´tɛ sran sɔ'm be dunman nun wie, ɔ ´tɛ kɛ jenvie yɛ ɔ su bo sa. Kɛ be ´nian mɛn'n, aosin tuun yɛ be ´wun i-ɔ. Nyanmiɛn ble likiliki kpa kun ´kata wia'n i nyrun.

Zeremi 2:12

Nyanmiɛn su lɔfuɛ mun, man amún nuan bo amún wun. Man sa sɔ'n ɔ yo amun koun lele amún wun glɔ amun kplɛkɛɛ.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Ngwlɛ Yilɛ 3:2

Kɛ ɔ `fa min wɔ lika ng'ɔ kpaja nun'n, nɛ́n i-ɔ. Aosin nun yɛ ɔ fa min tɔtɔ-ɔ.

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Amɔs 8:9

Anannganman'n waan: «Cɛn sɔ'n nun'n, kɛ wia'n ´ju bé ti afiɛn sɛsɛ'n, n ´yo man lika'n ´ka lɛ lu tuun wia sɔ'n nun lɛ, aosin'n ´wla asiɛ wunmuan'n su .

Zakari 14:6

I sɔ blɛ nun'n, lika'n su kpaja-man, lika'n ´yo munnduun kɛ bɔlɛ sa, i kusu nán bɔlɛ-ɔ.

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.