Zeremi 4:21 - NYANMIƐN NDƐ'N 1998

²¹ Cɛn onin ko nan m'an yaci alɛ flanga'm be wunlɛ! Cɛn onin ko nan b'a yaci nnɛn wɛ'n nun fitalɛ mín su nun.

Zeremi 4:21 ပူးပေါင်းရင်းမြစ်များ

2 Be Nyoliɛ 35:25

Zeremi b'ɔ ti Nyanmiɛn nuan ijɔfuɛ'n kpɛli Zozias wulɛ'n su jue. Jue tofuɛ yasua mun nin bla mun be kannin Zozias wun ndɛ be sɛ jue'm be nun lele ɔ'a fa ju ndɛ. Ɔ kacili be nzuɛn Izraɛl mɛn'n nun. Be klɛli jue sɔ mun sɛ jue fluwa'n nun .

2 Be Nyoliɛ 36:10

I afuɛ nuan b'ɔ ´yia ekun'n, Nɛbikadnɛzar man be fɛ ɔli Babilɔni. Be fali Nyanmiɛn i sua'n nun ninnge kpakpa mun ɔli wie. Ɔ fali Zozakin niaan Sedesias sieli Zidafuɛ mun nin Zerizalɛmfuɛ'm be famiɛn.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

2 Be Nyoliɛ 36:3

Neko b'ɔ ti Ezipt famiɛn'n tuli i bia'n su Zerizalɛm lɔ, yɛ ɔ miannin Zidafuɛ'm be kɛ be su lapo. Lapo sɔ'n i nuan'n ti jɛtɛ ufue kilo akpi-akpi ablasan (30.000) yɛ sika ɔkwlɛ kilo ablasan.

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 42:14

sɛ an se kɛ: ‹E ´kɔ Ezipt, lɔ liɛ'n e su wun-man alɛ'n, e su ti-man alɛ awɛ'n bɔ be bo'n i ngan, lɔ liɛ'n e su la-man awe, i ti-ɔ lɔ yɛ e ´ko tran-an,

Zeremi 6:1

«Bɛnzamɛn i osu nunfuɛ mun, an `jaso Zerizalɛm be ko fia. An `bo awɛ Tekoa lɔ. An `sie nzɔliɛ kun Bɛt-Akerɛm lɔ. Nyrɛnnɛn dan kpa kun fin mɛn'n i nglo lɔ su ba.