Zeremi 4:19 - NYANMIƐN NDƐ'N 1998

¹⁹ N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 4:19 ပူးပေါင်းရင်းမြစ်များ

Bo Bolɛ 49:6

Akunndan tɛ nga be ´bu'n, nán e nin be yɛ e bu-ɔ. Be ´yia be anyia'n, nán e nin be yɛ e yia-a. Afin be ya falɛ nun be kunnin sran, be anwlɛn fufu'n ti be kpɛli nannin yasua'm bé ja sin ndin'm be nun.

2 Famiɛn Mun 4:19

kpɛkuun i waan: «Baba! Min ti o! Min ti'n yo min ya!» I si seli i sufuɛ'n kun kɛ: «Fɛ i kɔ i nin sin.»

2 Famiɛn Mun 8:11

Nyanmiɛn i sran'n niannin Azaɛl. Ɔ niɛnnin i siin lele ɔ cɛli kpa, kpɛkuun ɔ sunnin.

Jue Mun 103:1

Jue nga ti David liɛ. I waan: N ´la Anannganman i ase! N ´tu n klun n ´lɛ i ase kpa.

Jue Mun 116:7

I kpa'n bɔ, man mín wla'n gua ase fɔuun ke! Anannganman ɔ'a yo min ye a wie!

Jue Mun 119:136

Kɛ n wun kɛ be fa-man ɔ mmla'n su'n, n sun sa ploploplo.

Jue Mun 119:53

Kɛ n wun kɛ klunwifuɛ'n be kaci bé sin be si ɔ mmla'n, kɛ n wun aeliɛ tɛtɛ nga be yo'n, kɛ min anwlɛn'n ɔ kpɛ min klun sa!

Jue Mun 146:1

Amun `manman Anannganman! M `manman Anannganman.

Jue Mun 16:2

N se Anannganman kɛ wɔ yɛ a ti min Min nin-ɔn. N lɛ-man like kpa fi san wɔ.

Ezai 15:5

N koko Moabfuɛ mun, be wanndi kɔ lele Zɔar, be wanndi kɔ lele Eglat-Sɛlisiza. Kɛ be ´fu Lisit oka'n, wuun be ´sun, afin sa kekle o be su. Kɛ be ´fa Kɔrɔnaim atin'n be ´kɔ'n, wuun be ´kpan kekle kpa.

Ezai 16:11

I sɔ'n ti, min anwlɛn'n ɔ keje min klun kɛ jru nyanman sa Moabfuɛ'm be ti. Min anwlɛn'n kpɛ min klun Kir-Erɛsfuɛ'm be ti.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 21:4

N lɛ-man anwlɛn kun, srɛ'n ɔ'a kun min kpo. Min waan wuun kɔnguɛ min wun ɔ ´jɔ min fɔun kan, kpɛkuun kɛ aliɛ'n san'n, n klun yɛ ɔ titi min-ɔn.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 20:9

Sɛ n waan: «M bu-man Anannganman i akunndan kun, yɛ n kɛn-mɛn i nuan ndɛ kun'n,» like wie yra min klun lɔ sa fiaan kɛ sin sa. N kplin mín nyin kɛ n ´yo nan ɔ `kan ase, sanngɛ ngbɛn-ɔn.

Zeremi 23:9

Be nga be tɔn be wun suɛn kɛ be ti Nyanmiɛn i nuan ijɔfuɛ'n be yɛ n kan m man be-ɔ. Min anwlɛn'n ɔ'a kpɔtɔ min klun. Mín wun usu min. M'an yo kɛ sran bɔ ɔ'a nɔn nzan ɔ'a bo sa. M'an yo kɛ sran bɔ nzan'n ɔ'a kun i sa Anannganman'n ɔ nin i ndɛ'n be dunman nun ti.

Zeremi 4:21

Cɛn onin ko nan m'an yaci alɛ flanga'm be wunlɛ! Cɛn onin ko nan b'a yaci nnɛn wɛ'n nun fitalɛ mín su nun.

Zeremi 4:5

«An `bo ndɛ nga n wa kɛn i yɛ'n i jɔ sin Zida mɛn'n nun. An `bo i ndolo Zerizalɛm lɔ. An `fita nnɛn wɛ'n nun mɛn'n nun. An `kpan kekle kpa be se kɛ: ‹Be `yia o! Be `yia klɔ nga be sisi be wun'n be nun o.›

Zeremi 42:14

sɛ an se kɛ: ‹E ´kɔ Ezipt, lɔ liɛ'n e su wun-man alɛ'n, e su ti-man alɛ awɛ'n bɔ be bo'n i ngan, lɔ liɛ'n e su la-man awe, i ti-ɔ lɔ yɛ e ´ko tran-an,

Zeremi 49:2

I sɔ'n ti Anannganman waan: «Cɛn kun m man alɛ awɛ'n ´tɛ Rabat b'ɔ ti Amɔnfuɛ'm be klɔ dan'n su. Klɔ sɔ'n ´saci mlɔnmlɔn! I asa'n su klɔ mun'n, sin ´di be kwlaa kpan! Kpɛkuun be bɔ be sieli Izraɛl'n, be ´kaci yo i kanga.» Anannganman'n yɛ ɔ kannin-ɔn.

Zeremi 50:22

«Ɔ ti alɛ kpanlɛ'n sa mlɔnmlɔnmlɔn mɛn'n nun. Sa ng'ɔ ´ju'n ɔ yo sro.

Zeremi 6:24

Kɛ e tili jasin sɔ'n, e sa sin bubuli ye, ye akunndan'n sanngannin, e klun kanndannin ye, yɛ srɛ kunnin ye kɛ bla b'ɔ su wa wu ba'n sa.

Zeremi 8:18

Min akunndan ɔ'a sanngan. N wun-man min wun yowlɛ kunngba. Mín sa sin ɔ'a bubu min.

Zeremi 8:21

Kannin ng'ɔ tuli min nvlefuɛ mun'n ɔ'a bo min wla dan. N wo afɛ nun. N wun-man min wun fɛ kun.

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Ngwlɛ Yilɛ 1:16

I ti yɛlɛ muɛn bɔ n kplo bɔ min nyinma ɔ'a blo mín ti nun kankankan'n. Min fɔnvɔfuɛ'n b'ɔ ko man min wunmiɛn'n, ɔ'a wanndi min. Min mma'm be liɛ a wie, min wunmiɛn ju-man min kpɔfuɛ'n i liɛ'n nun.

Ngwlɛ Yilɛ 1:20

Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 7:15

«Min Daniɛl, mín wla boli min wun. Min aolia nun ninnge sɔ bɔ n wunnin be'n be wlali min srɛ kpa.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Kalɛ 10:9

Blɛ bɔ amun o amun mɛn'n nun bɔ amun kpɔfuɛ'm be ´fa alɛ wla amun sin'n bɔ amun nin be ´ko kun'n, amun `bo sro yɛ amun `bo awɛ'n, i liɛ'n min bɔ n ti Anannganman amun Nyanmiɛn'n, mín wla ´kpɛn amún su, kpɛkuun n ´de amun amun kpɔfuɛ'm bé sa nun.

Rɔmfuɛ Mun 10:1

Aniaan mun, min nuan bɔ n yra'n nin sa nga n fa srɛ Nyanmiɛn kɛ ɔ yo man Izraɛlfuɛ mun'n, yɛlɛ kɛ be `fite nun.

1 Korɛntfuɛ Mun 14:8

?Sɛ ɔ ti alɛ su'n, bɔ klɛnsin'n tɛ sukusuku'n, ɔ ´yo sɛ yɛ yasua'm be ´ti bɔ be ´tanndan bé wun-ɔn?

Galasifuɛ Mun 4:19

Min mma mun, amun ti n su wun nyrɛnnɛn kpa ekun kɛ bla bɔ ɔ'a koto awuliɛ'n sa, n ´wun nyrɛnnɛn sɔ'n lele san be ´wun Krist nzuɛn'n kwlakwlakwla amun nun.

Jɔlɛ Difuɛ Mun 5:21

Kizɔn nzue ba'n bɔ nán andɛ sa yɛ ɔ sonji'n, ɔ fali be ɔli. Man n sin n nanti yasua su n wɔ ke!