Zeremi 4:18 - NYANMIƐN NDƐ'N 1998

¹⁸ «Sa ti b'ɔ yo sɔ'n yɛlɛ ɔ nzuɛn'n nin wɔ aeliɛ mun. Sa sɔ'n b'ɔ ju wɔ su'n, sa tɛ bɔ a yoli'n ti-ɔ, a wun i ya kpa. Ɔ wlu ɔ wun kpa sa fiaan!»

Zeremi 4:18 ပူးပေါင်းရင်းမြစ်များ

Jue Mun 107:17

Sinnglinfuɛ'm be nzuɛn tɛtɛ'n nin be fɔnlɛ bɔ be fɔnnin'n ti'n, be wunnin nyrɛnnɛn.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zeremi 5:19

Sɛ be usa kɛ: ‹?Sanngɛ ɔ yo sɛ ti yɛ Anannganman e Nyanmiɛn'n yoli ye sa-a?› Tɛ be su kɛ: ‹I nun bɔ amun wo amun bɔbɔ amun mɛn'n nun lɔ'n, amun yacili min lɛ ko suli nvle uflɛ'm be nun amuɛn mun, i sɔ'n ti kusu yɛ man amun wa kɔ mɛn uflɛ nun amun ´ko su sran uflɛ mun nin-ɔn.› »

Zeremi 5:25

Amún sa tɛ'n dunman nun ti ninnge sɔ'm b'a yo-man ye. Amun sa tɛ'm b'a tannin like kpakpa sɔ'm be atin.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Ngwlɛ Yilɛ 3:15

Klunngbɔ nin aklunfian ɔ'a fa kun min kpo.

Ezekiɛl 39:24

N niannin kɛ be sa tɛtɛ'm be fa ti'n i su yɛ n yoli be sa nin-ɔn. N kacili mín sin n sili be.»

Ndɛ Nga Nyanmiɛn I Nuan Ijɔfuɛ Oze Kannin'n 7:2

Sanngɛ ɔ kpɛn-man sran fi klun se-man kɛ wie-ɔ, tɛ nga be yo'n n wun i. Yɛ be bɔbɔ bé tɛ'n yɛ ɔ'a ci be siɛn'n yɛ. I kwlaa'n yɛ ɔ gua mín nyin su kpɛsɛ yɛ.