Zeremi 4:16 - NYANMIƐN NDƐ'N 1998

¹⁶ An `kan kle sran'm be kwlaa, an `se Zerizalɛm kɛ: ‹Amun kpɔfuɛ'm be fin mɛn mmua mmua kun nun be su ba. Be su kpan alɛ kpanlɛ Zida klɔ'm be ti.

Zeremi 4:16 ပူးပေါင်းရင်းမြစ်များ

Ezai 34:1

Nvle-nvle'm be nunfuɛ mun, amun `wunnge wa be wa ti ndɛ! Mɛnmɛn'm be nunfuɛ mun, amun `sie amún su kpa. Asiɛ'n sufuɛ mun nin ninnge nga be wo asiɛ'n su'n be kwlaa, nin mɛn'n nunfuɛ mun, ɔ nin ninnge'm be ngba'n, man be sie bé su.

Ezai 39:3

Yɛ Ezai b'ɔ ti Nyanmiɛn i nuan ijɔfuɛ'n ɔ wa toli Ezekias-ɔ. Ɔ usɛli i kɛ: «?Sran sɔ'm be waan nzɛ? ?Ninfan mɛn liɛ'n nun yɛ be fin-ɔn?» Ezekias tɛli i su kɛ: «Be fin mɛn mmua kpa kun nun, be fin Babilɔni.»

Zeremi 1:15

Nian, n wa flɛ famiɛn diwlɛ ng'ɔ o Izraɛl mɛn'n i nglo lɔ'n i nun nin akpasua kunngun'm be nun sran mun kɛ be bla. Be wa kpɛ be ngblaliɛ mun Zerizalɛm anuan'n nun Zerizalɛm klɔ'n i talɛ'm be wun sɛsɛsɛ ɔ nin Zida klɔ'm be talɛ'm be wun.

Zeremi 16:6

«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.

Zeremi 2:15

I ti asɔmɔli'm be kpan sa-a, nán sa yolɛ-ɔ. B'a nunkun i mɛn'n mlɔnmlɔn. B'a wɔ i klɔ'm be nun, sin su di be, sran fi tran-man be su kun.

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 39:1

Sedesias i Zida sielɛ'n i afuɛ ngwlan'n i anglo blu'n su yɛ Nɛbikadnɛzar b'ɔ ti Babilɔni famiɛn'n nin i sonja'm be kwlakwla be wa kpɛli be ngblaliɛ Zerizalɛm klɔ wun-ɔn.

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Zeremi 6:18

Ɔ man nvle-nvlefuɛ mun, an `tie. Sa ng'ɔ wa ju be su'n, Izraɛl nvle'n nunfuɛ mun, man amún su ti.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Zeremi 6:22

Anannganman'n wan yoo: «Nvle kun nunfuɛ'm be fin mɛn'n i nglo lɔ lika'n nun be su ba. Nvle dan kun nunfuɛ'm b'a jaso mɛn'n i bue kun lɔ be su ba.

Zeremi 6:23

Ta nin cua o sonja sɔ'm bé sa nun. Be yo be ninnge liɛ sinnzin su, be si-man aunnvuɛ. Nganniɛn nga be yo'n ɔ tɛ kɛ jenvie yɛ ɔ su bo sa. B'a fu b'a tran be nnɛn kpanngɔ'm be su. B'a jranjran tɔɔn! A wun be sa-a, ɔ waan sran kunngba-a. Siɔnfuɛ mun be nin be su wa kun.»

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 21:22

M bɔbɔ n kusu, n ´fin mín sa klun kplo, yɛ n ´fa min ya'n lele n ´guɛ i ti nin i bo. Min Anannganman yɛ n kan sɔ-ɔ.»