Zeremi 4:15 - NYANMIƐN NDƐ'N 1998

¹⁵ Tie jasin ng'ɔ fin Dan lɔ ba'n. Nyrɛnnɛn ng'ɔ su ba'n i wun jasin ng'ɔ fin Efraim oka'n su lɔ ba'n, tie.

Zeremi 4:15 ပူးပေါင်းရင်းမြစ်များ

Ezai 52:7

Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Zeremi 10:22

An `tie nganniɛn ng'ɔ tɛ ba'n. Mɛn i sannganlɛ like kun fin mɛn'n i nglo lɔ lika'n nun su ba. Ɔ wa nunnun Zida klɔ mun. Be ´kaci nsoso'm be lawlɛ.

Zeremi 6:1

«Bɛnzamɛn i osu nunfuɛ mun, an `jaso Zerizalɛm be ko fia. An `bo awɛ Tekoa lɔ. An `sie nzɔliɛ kun Bɛt-Akerɛm lɔ. Nyrɛnnɛn dan kpa kun fin mɛn'n i nglo lɔ su ba.

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Zozie 17:15

Zozie tɛli su kɛ: «Sɛ amun waan amun sɔnnin dan nan Efraim oka'n ju-man amun'n, amun `ko sɔn Ferez nin Rɛfafuɛ'm bé bo'n wie be `fa.»

Zozie 20:7

Izraɛlfuɛ'm be kpali Kedɛs klɔ'n b'ɔ o Galile lɔ'n Nɛftali i oka-oka lika nun'n, ɔ nin Sisɛm klɔ'n b'ɔ o Efraim oka-oka lika nun'n, ɔ nin Kirzat-Arba bɔ be flɛ i ekun kɛ Ebrɔn'n b'ɔ o Zida oka-oka lika nun'n.

Jɔlɛ Difuɛ Mun 18:29

Dan akpasua'n su sran'm be kplannin klɔ'n i uflɛ, kpɛkuun be tɔnnin i dunman kɛ Dan. Be fa tɔnnin be nannan Dan b'ɔ ti Zakɔb i wa'n, sanngɛ laa klɔ sɔ'n i dunman yɛlɛ Lais.

Jɔlɛ Difuɛ Mun 20:1

Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.