Zeremi 4:11 - NYANMIƐN NDƐ'N 1998

¹¹ Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:11 ပူးပေါင်းရင်းမြစ်များ

Jue Mun 11:6

Ɔ ´gua klunwifuɛ'm be su sɛnmlɛn nin sufru, ɔ ´fita be su aunngban kun b'ɔ lo klakla kpa. Sa ng'ɔ ´ju be su'n yɛ ɔ o lɛ-ɔ.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Ezai 27:8

Cɛcɛ, ɔ yoli man be bo sanndili, be trali be lomuɛn ɔli mɛn uflɛ nun. Ɔ yo kɛ wia afiliɛ lɔ aunngban b'ɔ yo sro'n, b'ɔ fita like mun kɔ'n sa.

Ezai 41:16

sɛ n ´kwla se'n, amun wa kpaja be nun kɛ awie sa, seke kun wa sanndi-sanndi be nun, yɛ aunngban'n ´fa be kɔ. Sanngɛ amun liɛ'n, amun klun wa jɔ Anannganman ti, amun wa fa Izraɛl Nyanmiɛn'n ´di amun nuan.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Zeremi 13:24

N wa tru amun nun kɛ ijre bɔ aawlɛ flɛnnɛn nun aunngban'n fitɛ i kɔ'n sa.

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Zeremi 23:19

Anannganman ɔ'a fa ya kekle kpa, i ya'n ɔ ti kɛ aunngban dan sa. Aunngban dan sɔ'n ɔ kpɛ sin sa tɛ yofuɛ'm bé ti su.

Zeremi 4:12

Aunngban sroesroe yɛ m'an sunmɛn i kɛ ɔ fɛ i lɔ bla-a. N wa tu be fɔ siɛn'n.»

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ngwlɛ Yilɛ 3:48

Sa yalɛ sɔ ng'ɔ tɔli min nvle'n su'n ti, min nyinmuɛn nzue'n ɔ bu sɔ puu!

Ngwlɛ Yilɛ 4:10

Ɔliɛ bla ta bɔ be klo-man be mma mun aɔwi'n, be bɔbɔ be tɔnnin be mma mun kplɔkplɔkplɔ! Be fa be yoli nnɛn be dili awe dan bɔ bli be nun'n i dunman nun .

Ngwlɛ Yilɛ 4:3

Ɔliɛ nsoso mun bɔbɔ be man be mma'm be nyɔnflɛn. Sanngɛ min nvle i nun mmla mun be klunwi liɛ'n nga b'a yo'n ɔ waan klɔnsoklo bɔ be o aawlɛ flɛnnɛn nun lɔ'n sa.

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 17:10

?Be ta-a, ɔ ´kwla yo kpa ekun? ?Sɛ wia afiliɛ aunngban ɔ kɛn i'n, ɔ su wu-man kee? Ɔ ´wu kee kan be tɛli i lɛ b'ɔ yoli kpa lɛ'n .› »

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Ndɛ Nga Nyanmiɛn I Nuan Ijɔfuɛ Oze Kannin'n 13:15

Efraimfuɛ'm b'a yo kpa be lika'n nun lɛ, sanngɛ aunngban klakla'n kusu i ja o atin nun ɔ su ba, Anannganman yo man aunngban sɔ'n ɔ fin aawlɛ flɛnnɛn'n nun lɔ yɛ ɔ ba-a. Ɔ man be nzue ti'n ɔ wu kee, ɔ man be nzue gbo'n ɔ ´wie nun. Be kpɔfuɛ'm be wa fɛn be trɔ'n nun ninnge kpakpa mun weiin.»

Ndɛ Nga Nyanmiɛn I Nuan Ijɔfuɛ Oze Kannin'n 13:3

I sɔ'n ti'n be wa sin kɛ nglɛmun nun nyanmiɛn ble bɔ be wun i kan kpɛkuun ɔ'a titi'n sa. Be wa wie kɛ nyansue b'ɔ wie kpɛ kunngba'n sa. Be wa yo kɛ ble wla bɔ aunngban'n fitɛ i kɔ kple nga be bo ble'n su i wun mmua'n sa. Be wa yo kɛ sin wɛnsrɛn b'ɔ fin sua ti nun fite'n sa.

Ndɛ Nga Nyanmiɛn I Nuan Ijɔfuɛ Oze Kannin'n 4:19

Aunngban dan'n ´kata be su kplu! Kpɛkuun be ´wun bé tɛ bɔ be yili'n su nyannzuɛn.

Abakik 1:11

Kpɛkuun be sin kɛ aunngban dan kun b'ɔ su sin'n sa. Be sin kɔ lika uflɛ be ko yo sa tɛ ekun, yɛlɛ kɛ be like liɛ bɔ be lafi su'n yɛlɛ be wunmiɛn'n.»

Abakik 1:6

Babilɔnifuɛ bɔ be si-man aunnvuɛ'n, bɔ be ti aeliɛ tɛfuɛ'n, bɔ be su wa wlu mɛn'm be nun asiɛ wunmuan su'n, m'an fa be, be o balɛ. Be ´ba be wiengu'm be lika'm bé sa nun delɛ .

Matthieu 3:12

I nene'n wo i sa nun, ɔ wa kpɛjɛ i ble'n b'ɔ o i bowlɛ nun'n lele ɔ ´wie, ɔ ´isa guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

JÉSUS-CHRIST I DYASIN FE'N BO LUC KLELI'N 3:17

I liɛ'n, ɔ wa fa Nyanmiɛn Wawɛ'n nin sin yo amun batɛm. I nene'n wo i sa nun, ɔ wa kpɛjɛ i awie b'ɔ o i bowlɛ nun'n lele ɔ ´wie, ɔ ´isa awie'n guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»