Zeremi 4:1 - NYANMIƐN NDƐ'N 1998

¹ Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Zeremi 4:1 ပူးပေါင်းရင်းမြစ်များ

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

2 Famiɛn Mun 23:13

Sraka yiwlɛ lika'n bɔ be o Zerizalɛm ndɛnman'n, bɔ Salomɔn b'ɔ ti Izraɛl famiɛn'n kplannin be Olivie Oka'n su'n, Zozias sacili be. Salomɔn kplannin amuɛn sua sɔ mun mannin Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. Amuɛn sɔ'm be kwlaa be ti tete like ngunmin.

2 Famiɛn Mun 23:24

Zozias nunnunnin be bɔ be nin wunmiɛn'm be ijɔ'n, nin wunnzue yifuɛ mun, nin awlo amuɛn mun, nin amuɛn uflɛ mun, ɔ nin tete ninnge bɔ be o Zida mɛn'n nun nin Zerizalɛm klɔ'n su'n be kwlaa. Mmla b'ɔ ti klɛwa fluwa nga Ilkiza b'ɔ ti Nyanmiɛn nyrun jranfuɛ'n wunnin i Anannganman i sua'n nun lɔ'n, i su yɛ Zozias niannin nunnunnin i kwlaa sɔ nin-ɔn.

2 Be Nyoliɛ 15:8

Kɛ Aza tili ndɛ nga Obɛd wa Azaria b'ɔ ti Nyanmiɛn nuan ijɔfuɛ'n kannin'n, ɔ trɛli i anwlɛn fi. Ɔ nunnunnin tete ninnge nga be o Zida mɛn wunmuan'n nun'n nin Bɛnzamɛn mɛn wunmuan'n nun'n. Ɔ yoli sa kunngba sɔ'n klɔ ng'ɔ fali be Efraim oka-oka lika'm be nun lɔ'n be su wie. I sin'n, Anannganman i sɔwlɛ'n b'ɔ jin Anannganman bɔbɔ i sua'n nyrun lɛ'n, ɔ siesieli i ye.

2 Be Nyoliɛ 33:8

Sɛ Izraɛlfuɛ'm be fa min mmla fanunfanun nga Moiz fa mannin be min dunman nun'n su'n, n su mian-man be kɛ be `tu mɛn nga n fa mannin bé nannan mun'n nun.»

2 Be Nyoliɛ 34:33

Zozias nunnunnin tete sa nga Izraɛlfuɛ'm be yo'n su, be nin sa sɔ mun fin mɛn nga'm be nun. Ɔ miannin sran nga be o Izraɛl asiɛ'n su'n be kwlaa kɛ be `su Anannganman be Nyanmiɛn'n. Zozias nyin su'n, b'a kaci-man bé sin b'a si-man be nannan'm be Nyanmiɛn'n.

Ezai 31:6

Izraɛlfuɛ mun, amun `sa amún sin bla Anannganman bɔ amun kacili amún sin sili i'n i sin.

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 18:11

Ɔ man se Zidafuɛ mun nin Zerizalɛm klɔ'n sufuɛ'm be kɛ: «Anannganman'n wan yoo: ‹N su siesie amún wun sa kun, n su bu amun wun akunndan tɛ kun. I sɔ'n ti, man amun kwlaa an kaci amun nzuɛn'n. An `nanti klanman kɛ ɔ fata'n sa.› »

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 3:1

Anannganman'n usa kɛ: «?Sɛ sran kun yrɛ i yi'n nan bla'n jaso ko ja bian uflɛ'n, kɛ ɔ o lɛ'n, yasua klikli'n kwla sɛ i sin ja bla sɔ'n ekun? ?Sɛ ɔ yo sɔ'n, nán tete yɛ ɔ'a bo i mɛn'n nun-ɔn? Sɛ n ´kwla se'n, a ko bo tekle'n lele, kpɛkuun a sa wɔ sin a ba min jalɛ ekun.

Zeremi 3:12

Ɔ man `bo ndɛ ng'ɔ o yɛ'n i ndolo mɛn'n i nglo lɔ lika'n nun se kɛ: ‹Anannganman'n wan yoo: Izraɛl b'ɔ ti kɛ bian safuɛ sa'n, sa ɔ sin bla. N ti aunnvuɛ sifuɛ, n su fa-man ɔ́ wun ya tantrantan kun. Ɔ wun sa su tran-man min klun titi kun.

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 7:3

Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `yaci ajalɛ bɔ amun tu'n nin nyoliɛ tɛtɛ'n bɔ amun yo'n nan n ´yaci amun lika nga nun wa.

Zeremi 7:5

Sɛ an yaci ajalɛ tɛtɛ nin nyoliɛ tɛtɛ'n, sɛ an yo ng'ɔ fata'n be man be wiengu'n,

Zeremi 7:7

i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Ezekiɛl 11:18

Lɛ yɛ amun ´ba-a, an ´yiyi i nun tete sa'm be kwlakwla nin amuɛn sɔlɛ wafa-wafa'n kwlaa.

Ezekiɛl 18:13

Kɛ ɔ bo sran bosia'n, ɔ kunndɛ asubo nin bosia'n sɔ'n i su mmlusuɛ. ?Sran kɛ nga sa'n, ɔ nin nguan nyanlɛ ɔ fata? Cɛcɛ! Sa nga b'ɔ be ti tɛtɛ'n ɔ yo i kwlaa kpan. Ɔ wa wu, yɛ i ndɛ'n ɔ ´kɛ i bɔbɔ su.

Ezekiɛl 43:9

Siɛn'n, be wa fa be amuɛn sɔlɛ beblebe'n nin be famiɛn'm be fuɛn mun be kɔ be nyrun lɔ, yɛ n wa tran be afiɛn adudua adudua.

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Zoɛl 2:12

Anannganman wan yoo: «An `sa amun sin bla mín sin. Kɛ ɔ o yɛ'n, i blɛ nian sin-man. Amun `tu amun klun bla, an `ci nglɛmun, an `sun, yɛ an `kpata min.»

Zakari 1:4

Nán an yo kɛ amun nannan'm be sa. Laa'n min nuan ijɔfuɛ'm be seli be kɛ m bɔ n sie mɛn wunmuan'n min waan be `gua be nzuɛn tɛ nin be aeliɛ tɛtɛ'm be ase. Sanngɛ b'a ti-man, b'a fa-man bé ti b'a de-man. Nán an yo kɛ be sa.

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 4:30

Kɛ sa nga n kannin be ndɛ'n be ´ju amún su, bɔ nyrɛnnɛn ´tɔ amun su'n, amun ´sa amun sin Anannganman amun Nyanmiɛn'n i sin. Amun ´fɛ i ndɛ'm bé su.

Zozie 24:14

Zozie kan guali su kɛ: «I sɔ'n ti, amun `nyin yi Nyanmiɛn, amun `tu amún klun be su i. Nán amun kpɔci i mlɔnmlɔn. Amun `gua amuɛn nga amun nannan'm be sɔ be kɛ be o Efrat i bue kun lɔ'n annzɛ Ezipt lɔ'n be ase nan amun `su Anannganman.

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»