Zeremi 39:8 - NYANMIƐN NDƐ'N 1998

⁸ Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 39:8 ပူးပေါင်းရင်းမြစ်များ

2 Famiɛn Mun 25:8

Nɛbizaradan ti gladi difuɛ'm be su kpɛn, i kunngba'n ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun su yɛ ɔ bali sɔ nin-ɔn, wuun anglo'n ɔ'a di le nso.

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Jue Mun 79:7

Afin b'a fɛn Izraɛlfuɛ'm bé bo ninnge'n kwlaa kpan, b'a saci be mɛn'n kwlaa.

Ezai 5:9

Amun `nian, sa nga Anannganman b'ɔ sie mɛn wunmuan'n ɔ kan kleli min'n yɛ, i waan: «Sua kpanngban nga'm be wa bubu. Sran su tran-man sua dandan nglanman-nglanman nga'm be nun kun. Sa sɔ'm be ´yo sɔ sakpa!

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 21:10

Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 34:2

«Min Anannganman'n bɔ n ti Izraɛl Nyanmiɛn'n, min waan a wɔ ko to famiɛn Sedesias nan a se i kɛ Anannganman'n waan yoo: ‹M'an fa klɔ nga m'an man Babilɔni famiɛn'n, ɔ wa fa sin ´yi nun.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 37:10

Kannzɛ bɔ be waan amu'an kwla Babilɔni sonja wunmuan'n nan be bɔ be ka'n, amun sa tili be kpa bɔbɔ'n, be ´jaso bé tannin sua'm be nun lɔ be wa wɔ klɔ nga nun.› »

Zeremi 38:18

Sanngɛ sɛ a fite-man a ko fa-man ɔ wun a wla-man Babilɔni famiɛn'n i awlo lɔ sran dandan'm bé sa nun'n, Babilɔnifuɛ'm be ´fa klɔ'n be ´wɔ nun. Kusu a su fin-man nun fite-man.› »

Zeremi 5:10

Be `fu Zerizalɛm i vinyi'm be su be saci be, sanngɛ nán be nunnun be mlɔnmlɔn. Be `kpɛ vinyi sa mun, afin be ti-man min liɛ.

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 2:7

E Min'n ɔ'a bu-mɛn i bɔbɔ i sɔwlɛ'n i like kun. I bɔbɔ i tranwlɛ'n, ɔ'a niɛn-mɛn i lika kun. Ɔ fali Siɔn i sua nglanman mun mannin e kpɔfuɛ mun. Kpankpanlɛ nga be fa kpankpan Nyanmiɛn i sua dan nun'n, ɔ ti-man blɛblɛ. A wun i sa-a ɔ waan cɛn yɛ be su di-ɔ.

Ezekiɛl 16:41

Be ´wɔ ɔ́ sua'm be nun. Be ´di wɔ jɔlɛ bla kpanngban kpa be nyrun. Wafa nga n wa fa nunnun ɔ tekle bolɛ'n yɛ ɔ lɛ-ɔ, yɛ a su tannin-man sran kalɛ kun.

Ezekiɛl 23:47

Sran sɔ'm be ´fin be yɛbuɛ yɛ be ´fa tokofi mun be kun be. Be ´kun be mma yasua mun nin be mma bla mun. Be ´fa sin wɔ be bé sua'm be nun.

Ezekiɛl 33:21

Kɛ be trali ye lomuɛn'n, i afuɛ blu-nin-kun su'n, anglo blu su'n i cɛn ba nnun su'n, sran kun bɔ kɛ be utuli Zerizalɛm klɔ'n ɔ fiteli nun'n, ɔ wa seli min kɛ: «Klɔ'n ɔ'a bo!»

Amɔs 2:5

N ´fa sin n ´yi Zida mɛn'n nun. Ɔ man i sɔ sin liɛ'n ɔ ´yra sua nglanman nga be o Zerizalɛm lɔ'n mun.»

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .