Zeremi 39:7 - NYANMIƐN NDƐ'N 1998

⁷ Kpɛkuun ɔ man be boboli Sedesias nyinma mun nan b'a fa jrɔkɔ b'a ci i klɛnnɛnklɛnnɛn b'a fɛ i b'a ɔ Babilɔni.

Zeremi 39:7 ပူးပေါင်းရင်းမြစ်များ

2 Famiɛn Mun 25:7

Be kunnin i mma mun i bɔbɔ nyrun lɛ, kpɛkuun Nɛbikadnɛzar man be boli i nyinma'n. Ɔ man be fali jrɔkɔ be cili i nan ɔ'a fɛ i ɔ'a ɔ Babilɔni .

Jue Mun 119:8

Min waan n ´mian min nyin n yo wɔ klun sa'n. Nán yaci mín bo suanlɛ'n mlɔnmlɔn.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 34:3

Ɔ kusu a su fi-mɛn i sa, be ´tra wɔ kplo! Be ´fa wɔ be ´wlɛ i sa nun. A nin Babilɔni famiɛn'n be nyinma nnan'n ´yia nun. Ɔ nin wɔ be ´kan ndɛ, kpɛkuun ɔ ´fa wɔ kɔ Babilɔni.

Zeremi 44:30

N wa fa Ezipt famiɛn Ofra n ´wlɛ i i kpɔfuɛ nga be kunndɛ i nin wie'n bé sa nun. N wa fɛ i n ´wla bé sa nun kɛ n fali Zida famiɛn Sedesias n wlali Babilɔni famiɛn Nɛbikadnɛzar b'ɔ kunndɛ i nin wie'n i sa nun'n sa.› » Anannganman'n yɛ ɔ kan sɔ-ɔ.

Zeremi 52:11

Kpɛkuun Nɛbikadnɛzar sɔ'n man be boli Sedesias i nyinma'n. Ɔ man be fali jrɔkɔ be cili i, nan ɔ'a fɛ i ɔ'a ɔ Babilɔni. Be wlɛli i bisua, ɔ kali bisua lɔ wuli .

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Jɔlɛ Difuɛ Mun 16:21

Filistifuɛ'm be trɛli i, be boboli i nyinma nnyɔn'n, be fɛ i be ɔli Gaza. Be cili i nin aaba jrɔkɔ nnyɔn, yɛ be miɛnnin i kɛ ɔ kpɛ be bisua sua lɔ mannzin ng'ɔ si ble'n i wun.