Zeremi 39:6 - NYANMIƐN NDƐ'N 1998

⁶ Babilɔni famiɛn'n man be kpɛli Sedesias i mma'm be kwlakwla be kɔmin i nyrun lɛ. Ɔ man be kpɛli Zida kpɛnngbɛn'm be kwlakwla be kɔmin wie.

Zeremi 39:6 ပူးပေါင်းရင်းမြစ်များ

Bo Bolɛ 21:16

Kpɛkuun ɔ ko trannin klɛ nun. Ɔ nin ba'n be afiɛn'n ti kɛ ta nga be to'n i juwlɛ kun sa, afin i waan: «Nán mín wa'n wu min nyrun,» ɔ ko trannin klɛ nun yɛ ɔ sun-ɔn.

Bo Bolɛ 44:34

?Sɛ nán e nin ba'n yɛ e kɔ'n, n ´ju mín si i nyrun lɔ sɛ yɛ ɔ ´yo ye-ɔ? N kwla tran-man lɛ n nian-man sa yalɛ sa ɔ tɔ-man mín si'n i su.»

2 Famiɛn Mun 22:20

Nan yoo, a ´wu, sanngɛ ɔ nyanmiɛn su wie yɛ ɔ ´kun wɔ-ɔ. Be ´sie wɔ wɔ asieliɛ bɔ a dun mmua kpɛli'n kun nun. A ´la lɔ diin. Nyrɛnnɛn nga n wa fa yi i lika nga su'n su yo-man ɔ nyrun.› » Ilkiza b'ɔ ti Nyanmiɛn nyrun jranfuɛ nin be nga'm be ɔli ko boli i sɔ jasin'n kleli famiɛn'n.

2 Famiɛn Mun 25:7

Be kunnin i mma mun i bɔbɔ nyrun lɛ, kpɛkuun Nɛbikadnɛzar man be boli i nyinma'n. Ɔ man be fali jrɔkɔ be cili i nan ɔ'a fɛ i ɔ'a ɔ Babilɔni .

2 Be Nyoliɛ 34:28

Nan yoo, a ´wu, sanngɛ ɔ nyanmiɛn su wie yɛ ɔ ´kun wɔ-ɔ. Be ´sie wɔ wɔ asieliɛ'n nun. A ´la lɔ diin. Nyrɛnnɛn nga n ´fa yi klɔ nga nin i nun sran'm be su'n su yo-man ɔ nyrun.› » Be ɔli be ko boli i sɔ jasin'n be kleli famiɛn'n.

Ɛstɛr 8:6

Afin n tran lɛ sa n nian nyrɛnnɛn ng'ɔ wa tɔ min nvle'n su nin-ɔn, ɔ yo-man ye. Kɛ be ´nunnun be nga e nin be e mmoja'n ti kun'n min nyrun lɛ sa'n, ɔ ti kekle man min.»

Ezai 13:16

Sran wie'm be ´yi sran sɔ'n bé wa nɔnman'm be ase, be ´tiatia be su be bɔbɔ be nyrun lɛ, sran wie'm be nin sran sɔ'm bé yi mun be ´la kekle nun.

Ezai 34:12

I su sran kpakpa'm be wie fi su ka-man lɛ nan se kɛ be ´kan famiɛn sielɛ ndɛ. Famiɛn i awlo lɔ sran dandan wie fi su tran-man lɛ.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 34:3

Ɔ kusu a su fi-mɛn i sa, be ´tra wɔ kplo! Be ´fa wɔ be ´wlɛ i sa nun. A nin Babilɔni famiɛn'n be nyinma nnan'n ´yia nun. Ɔ nin wɔ be ´kan ndɛ, kpɛkuun ɔ ´fa wɔ kɔ Babilɔni.

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 52:10

Babilɔni famiɛn sɔ'n ɔ man be kunnin Sedesias i mma mun be si i nyrun lɛ Ribla lɔ. Kpɛkuun ɔ man be kunnin Zida famiɛn'n i awlo lɔ sran dandan mun.

Ezekiɛl 23:24

Be fin mɛn'n i nglo lɔ lika nun yɛ be ba-a. Be nin alɛ ninnge mun, nin alɛ kakaklolo mun, nin ninnge nga be fu be nun kɛ loto'm sa'n, ɔ nin alɛ kunfuɛ kpanngban yɛ be ba-a. Be fa be nyrɛn kaan mun nin be nyrɛn dan mun, yɛ be ´wla kpongbo kle, be ´sin yia wɔ. N ´fa ɔ wun ndɛ n wla be sa nun, be ´jran be mmla su be ´di wɔ jɔlɛ.

Ezekiɛl 24:5

Amun `fa bua kpakpa'm be nnɛn'n nan fa yie fa wlɛ i blalɛ sɛ'n i bo lɔ, amun yo man ɔ tu kpa nan owie nga be o nun'n be be wie.›

Sofoni 1:8

«Mín tɛ yilɛ cɛn sɔ nun'n, i kpɛnngbɛn mun o, i famiɛn awlo lɔ sran dandan mun o, n ´tu be fɔ. Be kwlaa nga be fa nvle uflɛ'm be nzuɛn'n, n ´tu be fɔ .

Mmla'n 28:34

Sa sɔ bɔ amun wa wun be'n, be ´wla amun sinnzin.