Zeremi 39:4 - NYANMIƐN NDƐ'N 1998

⁴ Kɛ Sedesias b'ɔ ti Zida famiɛn'n nin alɛ kunfuɛ'm be wunnin be'n, be lɛ wanndilɛ. Kɔnguɛ be fin klɔ'n nun fiteli. Be fali famiɛn'n i fie su atin'n, kpɛkuun be ko sinnin talɛ nnyɔn'm be afiɛn anuan'n nun, kpɛkuun be fali Zurdɛn tɔnun'n nun atin'n.

Zeremi 39:4 ပူးပေါင်းရင်းမြစ်များ

2 Be Nyoliɛ 32:5

Ezekias nyannin anwlɛn, ɔ man ɔ wlawlali klɔ'n i wun talɛ'n i lika nga be ti bubuwa'n be nun. Ɔ sali klɔ'n i sasawlɛ lika'm be su be yoli fleiin kpa trali laa'n. Ɔ sili klɔ'n wun nin talɛ kun ekun. Lika nga be flɛ i Milo'n, b'ɔ o David Klɔ lɔ'n, ɔ sili i wun kpa. Yɛ ɔ man be yoli cua nin nyrɛn mun kpanngbangban kpa.

Ezai 22:11

Amun yoli nzue guawlɛ talɛ nnyɔn'm be afiɛn kɛ ɔ ´yo nan amu'an fa kunman laa liɛ'n i nun nzue'n b'a gua nzue guawlɛ uflɛ'n sɔ'n nun'n ti. Sanngɛ amu'an bu-man sran ng'ɔ yoli sa sɔ mun i akunndan. Amun wla ɔ'a kpɛn-man sran ng'ɔ dun mmua siesieli be laa'n i su.

Ezai 22:3

Amun sonja'm be nun sran kaklaakla'm be kwlaa be wieli wanndi. Be nga be to ta'n be ko trali be be fali be yoli be kanga. Kɛ amun wanndi ɔli mmua'n, amun kpɔfuɛ'm be ko trali amun kwlakwla, be fali amun yoli be kanga.

Ezai 29:2

n ´kle amun nun. Amun ´fɛfɛ, amun ´kplin. Klɔ'n ɔ ´yo kɛ min sɔwlɛ sa.

Zeremi 32:4

Famiɛn Sedesias su fin-man Babilɔnifuɛ'm bé sa nun fite-man. Be ´trɛ i be wlɛ i Babilɔni famiɛn'n i sa nun, Sedesias nin i be ´ijɔ. Be nyinma nnan'n ´yia nun.

Zeremi 32:5

Be ´fa Sedesias be ´kɔ Babilɔni, ɔ ´ka lɔ lele san m'an ɔ i osu nianlɛ.› Nan Anannganman'n waan: ‹Sɛ amun nin Babilɔnifuɛ mun amun waan amun ´kun alɛ'n, amun su nyan-man jranwlɛ le.› »

Ezekiɛl 12:12

Bé su kpɛn b'ɔ o be su'n, ɔ ´fɛ i trɔ'm ´bo i wati su yɛ ɔ ´jaso klɔ'n nun lɛ kɔ. Be ´fiti talɛ'n, kpɛkuun be ´fɛ i fite toklo'n nun, ɔ ´kɛtɛ i nyrun kɛ ɔ ´yo nan i nyinma'n ɔ'a wun-man lika'n ti.

Ezekiɛl 12:4

Siesie ɔ ninnge mun kɛ ajalɛ tulɛ ninnge sa. Siesie be wia klengle kpa'n nun be nyrun lɛ nan kɔ bé nyin bo lɛ nnɔsua. Kɔ kɛ sran nga be tra be lomuɛn'n be fa kɔ'n sa.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Amɔs 2:14

Sran nga i wun kpɛ kpa'n bɔbɔ, ɔ su wun-man fiawlɛ. Sran nga be le wunmiɛn kpa'n bɔbɔ, be su kwla-man like fi yo. Be nga be ti alɛ kunfuɛ'n be su fite-man nun.

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.