Zeremi 39:16 - NYANMIƐN NDƐ'N 1998

¹⁶ «Se Ebɛd-Melɛk b'ɔ ti Etiopifuɛ'n kɛ: ‹Min Anannganman bɔ n sie mɛn wunmuan'n, bɔ n ti Izraɛl Nyanmiɛn'n, min wan yoo: Sa nga n kannin'n, nán cenjele sa-a. Nyrɛnnɛn sa nga n kannin kɛ n ´fa yi i klɔ nga su'n, ɔ'a wie ju ɔ'a wie, ɔ ´yo ɔ nyrun.

Zeremi 39:16 ပူးပေါင်းရင်းမြစ်များ

2 Be Nyoliɛ 36:21

Nyanmiɛn nuan ndɛ nga Zeremi kannin'n, kɛ ɔ kpɛnnin su kɛ ng'ɔ o lɛ'n sa. Ɔ kannin kɛ: «Mɛn'n ´ka lɛ ngbɛn lele afuɛ ableso. Kɛ ɔ ´yo sɔ'n, wuun asiɛ'n ´de wunmiɛn kɛ ɔ fata'n sa blɛ'n kwlaa sɔ'n nun .»

Jue Mun 92:11

A man min wunmiɛn kɛ awuɛ'n i liɛ'n sa, a gua min ti su ngo mɔnnɛn.

Zeremi 26:15

Sanngɛ man amun wun i wlɛ kɛ sɛ amun kun min'n, wuun amu'an kun min ngbɛn, m'an yo-man sa, ɔ man kusu amun ´fɛ i su afɛ'n, amun o, klɔ nga o, i sufuɛ mun o, amun ´fɛ i su afɛ'n. Afin nanwlɛ, Anannganman'n yɛ ɔ sunmannin min amun sin kɛ n kan ndɛ sɔ'n kwlakwla n kle amun-ɔn.»

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 26:20

Sran'm be nun kun ekun kannin Nyanmiɛn nuan ndɛ. Sɛmaɛza i wa-a, be flɛ i kɛ Iri, ɔ fin Kirzat-Zearim. E klɔ'n nin e mɛn'n i wun ndɛ nga Zeremi kɛnnin i yɛ'n, ɔ kannin wie.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 36:31

Sa tɛ ng'ɔ nin i osu'n, ɔ nin i awlo nun sran dandan'm be yoli'n, n yo man be ´fɛ i su afɛ'n. Nyrɛnnɛn sa nga m boli be kasiɛ'n bɔ b'a bu-mɛn i ndɛ'n, n ´fa yi be nin Zerizalɛmfuɛ mun nin Zidafuɛ'm be su.› »

Zeremi 40:3

Sa ti bɔ i sɔ sa'n juli amun su sakpa'n yɛlɛ fɔnlɛ bɔ amun fɔnnin Anannganman wun'n, yɛlɛ i ndɛ bɔ amu'an fa-man su'n.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 5:14

Anannganman b'ɔ sie mɛn wunmuan'n wan yoo: «I sɔ bɔ be kannin'n ti'n, ndɛ nga n ´fa wla ɔ́ nuan'n, ɔ ´yo kɛ sin sa. Sin sɔ'n ɔ ´yra be kɛ waka sa.

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Amɔs 9:4

Sɛ alɛ kunlɛ nun be trali be lomuɛn nan be yoli kanga be nga be nin be be kun'n bé sa nun'n, n ´yo man be ´kun be. Mín nyin su jaso-man be su le. Nán kɛ be ye yolɛ ti-ɔ, sanngɛ be tɛ yolɛ ti-ɔ.»

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»