Zeremi 39:14 - NYANMIƐN NDƐ'N 1998

¹⁴ be sunmannin sran ko fali Zeremi gladi awlo'n nun lɔ, be fɛli i mannin Safan i wa Asikam i klun ba liɛ Gɛdalia kɛ ɔ `fɛ i fa ɔ i awlo. Ɔ man Zeremi nin klɔ'n nunfuɛ mun yɛ be trannin lɛ-ɔ.

Zeremi 39:14 ပူးပေါင်းရင်းမြစ်များ

2 Famiɛn Mun 22:12

I sin ɔ flɛli Ilkiza b'ɔ ti Nyanmiɛn nyrun jranfuɛ'n, nin Safan i wa Asikam nin Mise i wa Akbɔr, ɔ nin Safan b'ɔ ti fluwa klɛfuɛ'n, ɔ nin Azaza b'ɔ ti i sufuɛ'm be nun kun'n. Ɔ seli be kɛ:

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

2 Be Nyoliɛ 34:20

I sin ɔ flɛli Ilkiza, nin Safan wa Asikam, nin Mise wa Abdɔn, nin Safan b'ɔ ti fluwa klɛfuɛ'n, ɔ nin Azaza b'ɔ ti i bɔbɔ i sufuɛ'n. Ɔ seli be kɛ:

Jue Mun 105:19

Lele san ndɛ nga Anannganman kannin'n i blɛ'n juli yɛ i nuan yiali nan b'a wun i wlɛ kɛ kannzu ɔ ti sran ndɛnman su.

Zeremi 26:22

Kpɛkuun famiɛn Zozakim sunmannin sran Ezipt. Ɔ sunmannin Akbɔr i wa Ɛlnatan nin sran wie mun i sin.

Zeremi 26:24

Safan i wa Asikam li yɛ ɔ sasali Zeremi yɛ man b'a fɛ-mɛn i b'a man-man sran'm be kɛ be `kun i-ɔ.

Zeremi 32:2

Kɛ ɔ ´kan kle i sɔ'n, wuun Babilɔni sonja'm b'a bo b'a sin b'a yia Zerizalɛm klɔ'n, wuun b'a wla Nyanmiɛn nuan ijɔfuɛ Zeremi i bisua Zida famiɛn'n i awlo'n nun lɔ.

Zeremi 37:21

Nan famiɛn Sedesias man b'a sie Zeremi gladi difuɛ'm be awlo'n nun lɛ. I waan be `niɛn i lika nan cɛn kwlaa be mɛn i kpaun kukluku kun. Be tɔn kpaun sɔ'n kpaun tɔnfuɛ'm be atin'n su lɔ. Man ɔ di lele san be nyan-man kpaun klɔ'n nun kun. Nan Zeremi ɔ'a ka gladi difuɛ'm be awlo'n nun.

Zeremi 38:13

Nan b'a cuɛn nyanman'n, nan b'a yi Zeremi nzue gbo'n nun b'a fite. Kpɛkuun Zeremi kali gladi awlo'n nun lɛ.

Zeremi 38:28

Ɔ man gladi awlo'n nun lɛ yɛ Zeremi kali lele yɛ be wa fali Zerizalɛm klɔ nin-ɔn. Zerizalɛm falɛ ndɛ'n kɛ ɔ fa yoli'n, yɛ ɔ o yɛ:

Zeremi 39:13

Ɔ man Nɛbizaradan b'ɔ ti gladi difuɛ'm be kpɛnngbɛn'n nin Nɛbisazban b'ɔ ti famiɛn i sran b'ɔ lafi i su kpa'n, nin Nɛrgal Sarɛzɛr b'ɔ ti sonja'm be kpɛnngbɛn'n, ɔ nin Babilɔni famiɛn'n i sonja kpɛnngbɛn'm be kwlaa

Zeremi 39:15

Kɛ Zeremi tɛ o gladi awlo nun lɔ'n, Anannganman'n kannin ndɛ kleli i. Ɔ seli i kɛ:

Zeremi 40:1

Kɛ Nɛbizaradan b'ɔ ti gladi difuɛ kpɛn'n man Zeremi ɔli Rama'n, i sin Anannganman kannin ndɛ kleli Zeremi. Kɛ be ´ko fa Zeremi'n, wuun jrɔkɔ o i sa, ɔ o Zerizalɛmfuɛ mun nin Zidafuɛ nga be ´fa be kɔ Babilɔni'n be nun.

Zeremi 40:5

Zeremi o lɛ, ɔ tɛ-mɛn i su, yɛ Nɛbizaradan seli i kɛ: «Kɔ Safan i wa Asikam i wa liɛ Gɛdalia bɔ Babilɔni famiɛn'n fɛ i sieli Zida klɔ'm be su'n i sin. A nin i nin Zidafuɛ'm be `tran lɔ. Annzɛ lika kwlaa nga ɔ waan a ´kɔ'n, kɔ.» Nan gladi difuɛ kpɛn'n ɔ'a mɛn i aliɛ nan ɔ'a cɛ i ninnge mun, yɛ ɔ mɛnnin i atin ɔ ɔli-ɔ.

Zeremi 40:6

Zeremi ɔli Asikam i wa Gɛdalia sin Mizpa lɔ. Ɔ nin i be trannin Zidafuɛ nga be kali lɛ'n bé wun lɛ.

Zeremi 40:7

Sonja kpɛnngbɛn nga be o blo lɔ'n, be nin be sonja mun be tili i kɛ Asikam wa Gɛdalia yɛ Babilɔni famiɛn'n fɛ i sieli mɛn'n su-ɔ, nan yalɛfuɛ nga b'a fa-man be b'a ɔ-man Babilɔni'n, i yasua o, i bla o, i ba kanngan o, ɔ fali be mɛnnin i.

Zeremi 41:1

Anglo nso su'n, Elisama i wa Nɛtania i klun ba Ismaɛl b'ɔ ti famiɛn i osufuɛ'n b'ɔ ti i awlo'n lɔ sran dandan'm be nun kun'n, ɔ nin sran blu be wa toli Asikam i wa Gɛdalia Mizpa lɛ. Be nin Gɛdalia be dili like.