Zeremi 39:1 - NYANMIƐN NDƐ'N 1998

¹ Sedesias i Zida sielɛ'n i afuɛ ngwlan'n i anglo blu'n su yɛ Nɛbikadnɛzar b'ɔ ti Babilɔni famiɛn'n nin i sonja'm be kwlakwla be wa kpɛli be ngblaliɛ Zerizalɛm klɔ wun-ɔn.

Zeremi 39:1 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Zeremi 32:1

Sedesias i Zida sielɛ'n i afuɛ blu'n su b'ɔ ti Nɛbikadnɛzar i liɛ'n i afuɛ blu-nin-mɔcuɛ'n su'n, Anannganman'n kannin ndɛ kleli Zeremi.

Zeremi 34:1

Kɛ Nɛbikadnɛzar b'ɔ ti Babilɔni famiɛn'n nin Zerizalɛmfuɛ mun, nin Zida klɔ kun nga mun be nunfuɛ mun be ´kun alɛ'n yɛ Anannganman'n kannin ndɛ ng'ɔ o yɛ'n kleli Zeremi-ɔ. Nɛbikadnɛzar nin i sonja'm be kwlaa nin asiɛ'n su famiɛn diwlɛ'm be kwlaa be nunfuɛ mun, ɔ nin nvle nga be su i'n be nunfuɛ mun yɛ be boli alɛ sɔ'n i kunlɛ bo-ɔ. Ɔ seli i kɛ:

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 52:1

Kɛ Sedesias ɔ ´yo famiɛn'n, wuun ɔ lɛ afuɛ ablaɔn-nin-kun. Ɔ dili afuɛ blu-nin-kun Zerizalɛm lɛ. I nin suan Amital. Zeremi ng'ɔ fin Libna'n i wa-a.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Ezekiɛl 33:21

Kɛ be trali ye lomuɛn'n, i afuɛ blu-nin-kun su'n, anglo blu su'n i cɛn ba nnun su'n, sran kun bɔ kɛ be utuli Zerizalɛm klɔ'n ɔ fiteli nun'n, ɔ wa seli min kɛ: «Klɔ'n ɔ'a bo!»

Ezekiɛl 4:3

Fa blalɛ paplapa kun fa kpɛ a nin klɔ'n amun afiɛn kɛ talɛ sa. Kpɛ ɔ́ nyin klɔ'n su lɔ, wuun ɔ ti kɛ b'a utu i yɛ ɔ o lɛ-ɔ, wɔ yɛ a utuli i-ɔ. Ɔ ti sa b'ɔ wa ju Izraɛl nvle'n su'n i kan klelɛ nzɔliɛ kun.

Ezekiɛl 40:1

Kɛ be trali ye lomuɛn ɔli'n, i afuɛ ablaɔn-nin-nnun su'n i bo bolɛ nun'n, anglo'n i le blu'n, kɛ be sacili Zerizalɛm'n i afuɛ ablanan su'n, cɛn kunngba sɔ nun'n, Anannganman fɛli i fanngan'n ɔ wlali min nun, nan ɔ'a fa min ɔ'a ɔ lɔ.

Ezekiɛl 5:2

Kɛ klɔ'n i utulɛ blɛ'n ko sin'n, bubu nun nsan, yrɛ i bue kun sin nun klɔ'n i afiɛn. Fɛ i bue kun ekun nan fa ɔ tokofi'n fa finfin su sin yia klɔ'n. Yɛ sanndi i bue kun ng'ɔ ka lɛ'n nun man aunngban'n fa wɔ, kpɛkuun n ´su i su nin min tokofi'n.

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .