Zeremi 38:5 - NYANMIƐN NDƐ'N 1998

⁵ Famiɛn Sedesias tɛli be su kɛ: «I yɛ ɔ o lɛ-ɔ, like nga amun waan amun ´fa yo i'n, an `fa yo i. Afin n ti famiɛn sɔ, sanngɛ amun yɛ an kwla-a.»

Zeremi 38:5 ပူးပေါင်းရင်းမြစ်များ

2 Samiɛl 19:22

Yɛ Zɛriza i wa Abisai waan: «?Nan wuun, kɛ bɔ Simɛi boli sran nga Anannganman fɛ i sieli famiɛn i sannzan'n, be su kun-mɛn i?»

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Zeremi 26:14

Min liɛ'n, min yɛ n wo amún sa nun yɛ. Nga amun nian b'ɔ ti su'n, an `fa yo min.

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Daniɛl 6:16

Sanngɛ Daniɛl i kpɔfuɛ'm be sali bé sin ndɛndɛ kpa famiɛn'n i wun lɔ. Be seli i kɛ: «Nannan, a si jrɛin kɛ e Medifuɛ nin e Pɛrsfuɛ e mmla'n nun'n, famiɛn'n i ndɛ kun ng'ɔ ko kan'n, wuun ɔ'a kan, be kwla kpɛ-mɛn i wun kun.»

Daniɛl 6:17

Kɛ ɔ yoli sɔ'n nan famiɛn ɔ'a man be atin nan b'a ko fa Daniɛl b'a yi i asɔmɔli'm be sin kunman'n nun. Famiɛn'n seli Daniɛl kɛ: «Man ɔ Nyanmiɛn'n bɔ a su i nin anwlɛn tankaan'n ɔ de wɔ !»

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 29:9

Akis tɛli David su kɛ: «M bɔbɔ min n si kɛ ɔ nzuɛn'n ti kpa kɛ Nyanmiɛn i sunmanfuɛ sa, sanngɛ Filisti famiɛn i awlo lɔ sran dandan'm be waan nán a nin ye wɔ alɛ'n.