Zeremi 38:3 - NYANMIƐN NDƐ'N 1998

³ Zeremi kɛnnin i ekun kɛ: «Anannganman'n wan yoo: ‹Klɔ nga, sán Babilɔni famiɛn'n i sonja'm be ´fa.› »

Zeremi 38:3 ပူးပေါင်းရင်းမြစ်များ

Zeremi 21:10

Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 21:9

Sran ng'ɔ ka klɔ nga nun wa'n, alɛ'n annzɛ awe'n, annzɛ tukpacɛ b'ɔ sa ndɛndɛ'n ´kun i. Sran nga kusu b'ɔ fite b'ɔ fɛ i wun ko man Babilɔnifuɛ mun bɔ be nin amun ´kun yɛ'n, ɔ ´nyan nguan. I nguan'n bɔ cɛ yɛ ɔ ti i like b'ɔ ´nyɛn i nin-ɔn.› »

Zeremi 29:16

Famiɛn'n ng'ɔ ti famiɛn David i bia'n su'n nin sran nga be o klɔ nga nun'n, bɔ be yɛlɛ amun niaan nga b'a tra-man be b'a ɔ-man'n, Anannganman kan be wun ndɛ.

Zeremi 37:8

Ɔ man Babilɔnifuɛ'm be wa sa bé sin be ´ba, be nin klɔ nga nunfuɛ mun be wa kun. Be ´fa klɔ'n, be ´wɔ nun.

Zeremi 38:18

Sanngɛ sɛ a fite-man a ko fa-man ɔ wun a wla-man Babilɔni famiɛn'n i awlo lɔ sran dandan'm bé sa nun'n, Babilɔnifuɛ'm be ´fa klɔ'n be ´wɔ nun. Kusu a su fin-man nun fite-man.› »