Zeremi 38:22 - NYANMIƐN NDƐ'N 1998

²² ‹Bla nga be ka Zida famiɛn'n i awlo nun'n, be ´fa be kwlaa be ko man Babilɔni famiɛn'n i awlo lɔ sran dandan mun. Kpɛkuun bla sɔ'm be wa se wɔ kɛ yoo: Be nga be kannin fɔundi ndɛ kleli wɔ'n, be sili wɔ laka o, nja. Be nyannin wɔ. Be lakali wɔ lele bɔ be ´nian-an a wun-man ɔ wun fɛ'n, kpɛkuun b'a yi bé ja.

Zeremi 38:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 6:15

Min janvuɛ'm be lakali min kɛ nzue ba b'ɔ sonji'n sa. Kɛ ɔ ´yo kan'n, kpɛkuun ɔ'a wie nun, wuun i sinwlɛ'n ɔ'a wu kee.

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Jue Mun 69:14

Ee Anannganman, n liɛ bɔ n si i'n yɛlɛ wɔ srɛlɛ kunngba. Ee Nyanmiɛn, klun-ufuefuɛ dan, blɛ ng'ɔ ti bɔ a tɛ n su'n yɛ. Wɔ bɔ a yaci-man sran delɛ le'n, tɛ mín su.

Jue Mun 69:2

Ee Nyanmiɛn, de min, nzue'n ɔ'a yi lele ɔ'a ju min kɔmin nun.

Ezai 42:17

Be nga bɔ be fa bé wun wla amuɛn'm be sa nun'n, be nga be se like nga be klo be sin nun be fa yo amuɛn ba'm be kɛ: «Amun ti e Nyanmiɛn'n,» be sɔfuɛ'm be ´su siɛn, yɛ nyannzuɛn'n ´kun be kpo.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 27:14

Nyanmiɛn nuan ijɔfuɛ nga be se amun kɛ: ‹Amun su su-man Babilɔni famiɛn'n› ato yɛ be bua kle amun-ɔn, nán an fa be ndɛ'n su.»

Zeremi 27:15

Anannganman wan yoo: «M'an sunman-man be. Bé wun suɛn yɛ be tɔn i kɛ be ijɔ mín nuan lɛ ngbɛn-ɔn. Sɛ amun tie be ndɛ'n, n ´fuan amun, amun ´wu, amun nin be nga be tɔn bé wun suɛn kɛ be ti min nuan ijɔfuɛ sɔ mun yɛ amun ´wu-ɔ.»

Zeremi 38:19

Famiɛn Sedesias tɛli i su kɛ yoo: «Zuif nga be sinnin Babilɔnifuɛ'm bé sin'n, be ti yɛ srɛ kun min-ɔn. Sɛ n yo sɔ-ɔ, be ko fa min be ko wla bé sa nun be ko yo min tɛtɛ.»

Zeremi 38:21

Sanngɛ sɛ ɔ waan a fa-man ɔ wun ko man-man be'n, Anannganman'n waan n `se wɔ kɛ yoo:

Zeremi 41:10

Kɛ ɔ yoli sɔ'n, Ismaɛl trali sran nga be o Mizpa lɛ'n be kwlaa ɔli. Ɔ fali famiɛn i mma mmla mun, ɔ nin be kwlaa nga Nɛbizaradan b'ɔ ti gladifuɛ'm be kpɛn'n fali be wlali Gɛdalia i sa nun'n mun ekun. I sin Ismaɛl fali sran sɔ mun sinnin Amɔnfuɛ'm be lɔ ɔli.

Zeremi 43:6

Bla mun o, yasua mun o, famiɛn'n i mma bla mun o, sran nga Nɛbizaradan b'ɔ ti gladi difuɛ'm be kpɛnngbɛn yacili be Safan i wa Asikam i wa liɛ Gɛdalia sa nun'n, be fali be ngba ɔli. Be fali Zeremi nin Neriza i wa Barik ɔli wie.

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 6:12

Bé sua'm be ´yo sran uflɛ'm be liɛ. Be fie mun nin bé yi mun be ´yo sran uflɛ liɛ wie. Mín sa ´kan mɛn nga nunfuɛ'm be kwlaa.» Anannganman'n yɛ ɔ kan sɔ-ɔ.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ngwlɛ Yilɛ 5:11

Be nin Siɔn lɔ bla mun be lali kekle nun. Be nin Zida klɔ'm bé su talua mun be lali kekle nun.

Mise 7:5

Nán an fa amún wla guɛ i amun janvuɛ'm be su. Sran nga bɔ yɛ amun nin i be ti koko nnya nun-ɔn, ɔ ti-man'n, nán an fa amún wla guɛ i su .